世界女排大獎賽World Grand Prix),係國際排球聯合會(簡稱 國際排聯FIVB)一年一度舉行嘅大型世界排球比賽,相對於男子嘅係世界排球聯賽World League),但係唔同嘅地方係,女排大獎賽唔使好似世界排球聯賽咁,參賽球隊一定要畀好貴嘅參賽費。

世界女排大獎賽

有鑑於女排嘅三個世界大賽(世界盃世界女排錦標賽奧運會)分別係四年一度喺固定一個主辦國舉行,為咗加強世界各地(尤其係東亞地區嘅觀眾)對女排嘅注意同吸引力,國際排聯喺1993年首度舉辦一年一度嘅世界女排大獎賽,以分站賽事嘅成績嚟決定參加總決賽嘅名單,而總決賽嘅優勝者就係成個賽事嘅總冠軍。

早年嘅分站賽事同總決賽都喺東亞地區舉行,但係近年一啲分站賽事亦都陸續喺歐美各地舉行,到咗2003年,總決賽更加首次喺歐洲意大利舉行。

世界女排大獎賽嘅地位唔及三個四年一度舉行嘅世界大賽,但係獎金就遠勝世界大賽,乃係純粹商業性比賽,所以嬴得世界女排大獎賽總冠軍一般唔會睇成係世界冠軍。不過大獎賽就造就咗一班世界女排明星,方便向全世界推廣女排。

世界女排大獎賽自1993年第一次舉辦10幾年來,冇一支球隊能夠成功衛冕賽事嘅總冠軍,直至2005年巴西女排首度成為賽事嘅衛冕總冠軍,更加係而家奪標最多嘅球隊。(詳見 歷年三甲

1993年到而家,只有中國古巴日本從來冇缺席過世界女排大獎賽。

歷年三甲 編輯

年份 分站
參賽
隊數
總決賽
主辦城市 冠軍 亞軍 季軍
1993年 8 香港 香港 古巴 古巴 中國 中國 俄羅斯 俄羅斯
1994年 12 中國 中國上海 巴西 巴西 古巴 古巴 中國 中國
1995年 8 中國 中國上海 美國 美國 巴西 巴西 古巴 古巴
1996年 8 中國 中國上海 巴西 巴西 古巴 古巴 俄羅斯 俄羅斯
1997年 8 日本 日本神戶 俄羅斯 俄羅斯 古巴 古巴 南韓 南韓
1998年 8 中國香港 中國香港 巴西 巴西 俄羅斯 俄羅斯 古巴 古巴
1999年 8 中國 中國玉溪 俄羅斯 俄羅斯 巴西 巴西 中國 中國
2000年 8 菲律賓 菲律賓馬尼拉 古巴 古巴 俄羅斯 俄羅斯 巴西 巴西
2001年 8 中國澳門 中國澳門 美國 美國 中國 中國 俄羅斯 俄羅斯
2002年 8 中國香港 中國香港 俄羅斯 俄羅斯 中國 中國 德國 德國
2003年 12 意大利安德利亞 [1] 中國 中國 俄羅斯 俄羅斯 美國 美國
2004年 12 意大利雷焦卡拉布利亞 巴西 巴西 意大利 美國 美國
2005年 12 日本 日本仙台 巴西 巴西 意大利 中國 中國
2006年 12 意大利雷焦卡拉布利亞 巴西 巴西 俄羅斯 俄羅斯 意大利
2007年 12 中國 中國寧波 荷蘭 荷蘭 中國 中國 意大利
2008年 12 日本 日本橫濱 巴西 巴西 古巴 古巴 意大利

睇埋 編輯

參考資料 編輯