中國共產黨第十四次全國代表大會
中國共產黨第十四次全國代表大會於1992年10月12號至18號响北京召開。出席大會嘅代表有1989人，特邀代表46人，代表當時全國5100萬黨員。此外，唔係十四大代表嘅十三屆中央委員會同中央顧問委員會、中央紀律檢查委員會嘅成員，唔係十四大代表或特邀代表嘅黨內部分老同志，以及其他有關負責同志307人列席咗呢次大會。大會重邀請咗全國人大常委會黨外副委員長、全國政協黨外副主席、各民主黨派、全國工商聯負責人同無黨派人士，以及全國人大、全國政協常委中响京黨外人士同部分少數民族、宗教界人士等139人，作為來賓列席咗大會開幕式同閉幕式。
呢次代表大會嘅主要任務係，以鄧小平建設有中國特色社會主義嘅理論為指導，認真總結十一屆三中全會以嚟14年嘅實踐經驗，確定今後一個時期嘅戰略部署，動員全黨同志同全國各族人民，進一步解放思想，把握有利時機，加快改革開放同現代化建設步伐，奪取有中國特色社會主義事業嘅更大勝利。
大會嘅議程係：（1）聽取同審查第十三屆中央委員會嘅報告；（2）審查中央顧問委員會嘅報告（書面）；（3）審查中央紀律檢查委員會嘅報告（書面）；（4）審議並通過中國共產黨章程（修正案）；（5）選舉第十四屆中央委員會；（6）選舉新一屆中央紀律檢查委員會。
江澤民代表十三屆中央委員會作咗題為《加快改革開放和現代化建設步伐，奪取有中國特色社會主義事業的更大勝利》嘅報告，大會確立鄧小平建設有中國特色社會主義理論响全黨嘅指導地位，概括咗建設有中國特色社會主義理論嘅主要內容，明確建立社會主義市場經濟體制嘅改革目標，要求全黨抓住機遇，加快發展，集中精力將經濟建設搞上去。
大會通過咗關於十三屆中央委員會報告嘅決議，關於中央顧問委員會工作報告嘅決議、關於中央紀律檢查委員會工作報告嘅決議。大會同意關於唔再設立中央顧問委員會嘅建議，並向中央顧問委員會同班老同志表示衷心嘅感謝同崇高嘅敬意。大會重通過咗關於《中國共產黨章程》（修正案）嘅決議，將建設有中國特色社會主義嘅理論同黨嘅基本路線寫入黨章。
大會經過充分醞釀，以無記名投票方式，選舉出第十四屆中央委員會委員189名，中央委員會候補委員130名，中央紀律檢查委員會委員108名。
一中全會 編輯
中國共產黨第十四屆中央委員會第一次全體會議於1992年10月19號响北京舉行，全會選舉產生新一屆中央領導機構。名單如下：
- 中央政治局委員、候補委員
- 中央政治局常務委員會委員：江澤民、李鵬、喬石、李瑞環、朱鎔基、劉華清、胡錦濤
- 中央委員會總書記：江澤民
- 中央書記處書記：胡錦濤、丁關根、尉鍵行、溫家寶、任建新
- 中央軍事委員會主席、副主席、委員
- 中央紀律檢查委員會書記、副書記、常務委員會委員
二中全會 編輯
中國共產黨第十四屆中央委員會第二次全體會議於1993年3月5號至7號响北京舉行。中央委員會總書記江澤民作咗重要講話。全會審議通過咗《關於調整「八五」計劃若干指標的建議》，將國民經濟增長速度由原定平均每年6%調整到8至9%。全會審議通過咗《關於黨政機構改革的方案》，全會審議通過咗中共中央政治局提出，經過與黨內外協商形成嘅，擬向八屆全國人大一次會議推薦嘅國家機構領導人員人選名單同擬向全國政協八屆一次會議推薦嘅全國政協領導人員人選名單。全會決定，將上述兩個名單分別向八屆全國人大一次會議主席團同全國政協八屆一次會議主席團推薦。
全會遞補中央候補委員王學萍（黎族）為中央委員。
三中全會 編輯
中國共產黨第十四屆中央委員會第三次全體會議於1993年11月11號至14號响北京舉行。全會由中共中央政治局主持，中央委員會總書記江澤民作重要講話。全會通過《中共中央關於建立社會主義市場經濟體制若干問題的決定》。全會指出，社會主義市場經濟體制係同社會主義基本制度結合响埋一齊嘅。建立社會主義市場經濟體制，就係要使市場响國家宏觀調控下對資源配置起基礎性作用。要進一步轉換國有企業經營機制，建立適應市場經濟要求，產權清晰、權責明確、政企分開、管理科學嘅現代企業制度。
四中全會 編輯
中國共產黨第十四屆中央委員會第四次全體會議於1994年9月25號至28號响北京舉行。全會集中討論咗黨嘅建設問題，並作出咗《中共中央關於加強黨的建設幾個重大問題的決定》。《決定》指出，將黨建設成為用建設有中國特色社會主義理論武裝起嚟、全心全意為人民服務、思想上政治上組織上完全鞏固、能夠經受住各種風險、始終走喺時代前列嘅馬克思主義政黨，呢個係以鄧小平為核心嘅第二代中央領導集體開創嘅、以江澤民為核心嘅第三代中央領導集體正响度領導全黨繼續進行嘅新嘅偉大嘅工程。全會增選黃菊為中央政治局委員；決定增補吳邦國、姜春雲為中央書記處書記。
五中全會 編輯
中國共產黨第十四屆中央委員會第五次全體會議於1995年9月25號至28號响北京舉行。會議通過咗《中共中央關於制定國民經濟和社會發展「九五」計劃和2010年遠景目標的建議》。《建議》提出，實現「九五」計劃同2010年遠景目標嘅關鍵係實行兩個具有全局意義嘅根本性轉變，一係經濟體制從傳統嘅計劃經濟體制向社會主義市場經濟體制轉變；二係經濟增長方式從粗放型向集約型轉變。
全會審議並通過咗中央紀律檢查委員會《關於陳希同同志問題的審查報告》，決定撤銷陳希同嘅中共中央政治局委員、中央委員職務，並建議依照法律程序，罷免佢全國人大代表職務，並繼續進行審查。
全會按照黨章規定，決定遞補中央候補委員耿全禮、馬啟智（回族）為中央委員。全會決定增補張萬年、遲浩田為中央軍事委員會副主席，王克、王瑞林為中央軍事委員會委員。
六中全會 編輯
中國共產黨第十四屆中央委員會第六次全體會議於1996年10月7號至10號响北京舉行。呢次會議主要討論咗思想道德同文化建設方面嘅問題，會議通過咗《中共中央關於加強社會主義精神文明建設若干重要問題的決議》。會議根據全面實現中國國民經濟同社會發展「九五」計劃同2010年遠景目標嘅要求，分析咗社會主義精神文明建設面臨嘅形勢，總結咗經驗同教訓。今次會議將主要討論方向放响思想道德同文化建設方面。
全會審議並通過咗《關於召開黨的第十五次全國代表大會的決議》，確定中共十五大於1997年下半年在北京舉行。
全會按照黨章規定，決定遞補中央候補委員孫文盛為中央委員。
七中全會 編輯
中國共產黨第十四屆中央委員會第七次全體會議於1997年9月6號至9號响北京舉行。會議由中央政治局主持。中央委員會總書記江澤民作咗重要講話。會議決定，中國共產黨第十五次全國代表大會於9月12號响北京召開。
全會討論並通過咗中央委員會向黨嘅第十五次全國代表大會嘅報告，討論並通過咗《中國共產黨章程修正案》，一致決定將呢兩個文件提請黨嘅第十五次全國代表大會審議。
全會按照黨章規定，決定遞補中央候補委員克尤木·巴吾東為中央委員。
全會審議通過咗中央紀律檢查委員會關於陳希同問題嘅審查報告，正式開除陳希同嘅黨籍，移交司法機關審判。