《中國夢》係首中文歌，黃霑填詞，趙文海作曲，羅文主唱，提到中國文化嘅源頭黃河、唐漢盛世，主題話中國人幾千年來嘅一個夢，係自由幸福開心唔受折磨。首歌喺民主歌聲獻中華同六四燭光晚會中都有唱。
呂方回憶，呢首歌本來係特登作畀佢原唱。點知錄音俾羅文撞見，羅文覺得啱自己，就攞咗去。呂方剩係唱國語版。
