丹頂鶴Grus japonensis)係一種高大而儀態優雅嘅白色鶴。又叫做仙鶴白鶴(其實白鶴係另一種鶴屬嘅鳥類)、鴜鷜中國古籍文獻畀丹頂鶴好多名,例如《爾雅翼》叫仙禽,《本草綱目胎禽。丹頂鶴係鶴類中嘅一種,因頭頂有紅肉冠而得名。佢係東亞地區所特有嘅鳥種,因體態優雅、顏色分明,響呢啲地區嘅文化中具有吉祥、忠貞、長壽嘅寓意。

How to read a taxoboxWikipedia:點樣睇生物分類框
How to read a taxobox
丹頂鶴

瀕危指標

極危 (CR)
物種分類
動物
脊索動物門
鳥綱
鶴形目
鶴科
鶴屬
G. japonensis
二元學名
Grus japonensis
(Statius Muller, 1776)

外形特徵 編輯

丹頂鶴具備鶴科嘅特徵,即三長 —— 嘴長、頸長、腳長。成鳥除頸部同飛羽後端係黑色之外,全身白色,頭頂皮膚冇毛,呈鮮紅色。傳說中嘅劇毒鶴頂紅(都有成鶴頂血)正係呢處,但純屬謠傳,鶴血係冇毒嘅,古人所說嘅「鶴頂紅」其實係砒霜,即唔純嘅三氧化二砷,鶴頂紅係古時候對砒霜隱晦嘅講法。丹頂鶴嘅尾脂腺被粉(冉羽)。鳥仔身體嘅羽毛啡黃色,個嘴黃色。亞成體羽色黯淡,兩歲後頭頂冇毛區紅色越發鮮艷。頭嘅紅白嘅配色同日本國旗相同。

分佈 編輯

丹頂鶴繁殖地係中國嘅三江平原松嫩平原、前蘇聯嘅遠東同日本等地。中國東南沿海各地以及長江下游、朝鮮海灣、日本等地過冬。

歷史上丹頂鶴嘅分佈區比現在要大得多,過冬地重加南,可至福建臺灣海南等地。由於呢種鳥喺文化種嘅特殊地位,地方誌書中一直有著詳細嘅記載,為研究佢嘅古代分佈提供咗翔實嘅資料。

習性 編輯

丹頂鶴每年要喺繁殖地同越冬地之間進行遷徙,只有喺日本北海道係當地嘅留鳥,唔進行遷徙,噉可能同冬季當地人有組織噉餵嘢畀佢食,食物來源充足有關。

丹頂鶴嘅棲息地係沼澤同沼澤化嘅草甸,食物主要係淺水嘅魚蝦、軟體動物同某啲植物根莖,跟季節唔同而有所變化。

丹頂鶴成鳥每年換羽兩次,春季換成夏羽,秋季換成冬羽,屬於完全換羽,會暫時失去飛行能力。

丹頂鶴嘅叫聲非常嘹亮,作為明確領地嘅信號,亦係發情期交流嘅重要方式。

丹頂鶴屬於單配製鳥,若冇特殊情況可維持一生。每年嘅繁殖期從3月開始,持續6個月,到9月完。佢哋喺淺水處或有水濕地上築巢,巢材多係蘆葦等禾本科植物。丹頂鶴每年生一竇蛋,一般生 2 到 4 隻,由公乸輪流孵,孵化期 31 到 32 日。雛鳥屬早成雛。

分類 編輯

用過嘅名:

  • Ardea(Grus) japonensis P.L.S. Müller, 1776
  • Grus japponensis Gmelin, 1778
  • Antigone montignesia Bonaparte, 1854
  • Megalornis japonensis Wilder&Hubbard, 1938

有人認為北海道嘅丹頂鶴種群喺叫聲同遷徙上同大陸種群有差異,可劃分為兩個亞種,但基因分析表明兩者冇「有顯著形」嘅差異,因此呢種說法至今得唔到認同。

研究史 編輯

丹頂鶴由於體形大、顏色分明,好容易認。人類對丹頂鶴嘅知識好早就有積累咗一定經驗。中國嘅地方誌書對佢哋有連續嘅記錄,丹頂鶴好早就俾人養,年間尤為盛行。而家有好多地方都有養嘅丹頂鶴嚟觀賞。

1980年代後,對丹頂鶴嘅專項研究展開,至今已對其分佈、繁殖地同越冬地嘅生態同行為、遷徙呢啲都掌握嘅一定嘅信息。目前丹頂鶴嘅人工繁殖同人工授精技術亦成熟。1990年代以後,根據繫放研究同人造衛星跟蹤技術,丹頂鶴嘅遷徙路線已經明確。

文化上嘅意義 編輯

東亞地區嘅居民,用丹頂鶴象徵幸福、吉祥、長壽同忠貞。各國嘅文學同美術作品中成日有出現,殷商時代嘅墓葬中,就有鶴嘅形象喺雕塑度出現。春秋戰國時期嘅青銅器鐘,鶴體造型嘅禮器就已出現。道教中丹頂鶴飄逸嘅形象已成為長壽、成仙嘅象徵。

目前,中國國家林業局已將丹頂鶴作為國鳥唯一候選者,上報國務院。

 
丹頂鶴嘅頭
 
飛緊嘅丹頂鶴

保護狀況 編輯

丹頂鶴係大型涉禽,喺濕地環境中屬於食物鏈嘅上層,係濕地生物多樣性嘅關鍵種。日本北海道嘅阿依努人將生活響釧路濕地嘅丹頂鶴稱為「濕地之神」。目前佢哋面臨嘅威脅主要有:

棲息地嘅破壞:響中國東北同遠東地區人類活動對濕地嘅破壞喺1960年代以後急劇加重,對濕地嘅圍墾唔單止侵佔咗原有嘅棲息地,重令原本連通嘅水系阻斷,再加上近年遠東地區氣候乾旱化趨勢明顯,水域面積縮細嚴重。人嘅活動引入嘅污染都威脅丹頂鶴嘅生存,此外燒地等開墾方法,對丹頂鶴嘅巢材同掩蔽處毀壞嚴重,令佢哋分佈更為狹窄。

偷獵:由於自古東亞地區對丹頂鶴就有著對其羽毛同器官嘅需求,獵殺就難以避免。雖然近年隨著保護法規嘅建立,直接獵殺好少發生,但係落毒來獵捕其他水禽嘅方法,已成為丹頂鶴嘅重要死因。

目前,丹頂鶴係中國國家一級保護動物,國際自然保護聯盟(IUCN)嘅紅皮書中係瀕危物種,瀕危物種國際貿易公約(CITES)中列入附錄一。

而家響香港,得香港動植物公園有養丹頂鶴。

參考 編輯