乾元殿

乾元殿係唐朝首都洛陽紫微城既正殿，係公元656年（顯慶元年）唐高宗喺隋朝乾陽殿既基礎上面建造咗一座乾元殿。公元688年（垂拱四年）武則天將佢改建成明堂，唐玄宗開元年間又再改建成含元殿。乾元殿東西長345尺（101.43米），南北長176尺（51.744米）；高度係120尺（35.28米）。

唐玄宗李隆基用乾元殿做內府既圖書館，公元721年（開元七年）佢要求「公卿士庶之家所有異書官借繕寫」都放喺東都乾元殿收藏。根據《古書今錄》既記載，呢間圖書館既藏書有3060部，總共51828卷。另有佛經、道經大約2500部，總共大約9500卷。不過呢啲書喺安祿山之亂既時候，幾乎全部都無咗。