亂葬崗

亂葬崗係冇人理搚亂埋葬啲屍體嘅一笪地方。有時會指係埋葬多過一個人嘅墳墓或坑。

成因編輯

亂葬崗嘅出現，原因好多。可能因為啲人窮，冇錢買山地，冇錢搞殮葬，求其搵笪地方埋咗就算；有可能當地嘅政府唔理，或冇能力理，或理唔到。亦都可能係天災、疫症、種族滅絕、打仗咁。

天災、疫症可以一時間死好多人，為咗快啲處理啲死屍，勉得發生疫症，亂葬崗可以短時間搞掂大量嘅死屍。喺種族滅絕或打仗嘅情況用亂葬崗嚟冚埋戰爭罪行。

喺大眾文化、傳說裏面，通常會將亂葬崗同鬼連埋起嚟，係鬼故唔少得嘅元素。