亞蘭冷衫(愛爾蘭蓋爾文:Geansaí Árann)係愛爾蘭亞蘭群島出產嘅一種冷衫。伊種冷衫最大嘅特點,就係用各種複雜嘅花紋,來區分著衫人嘅家族,一個家族祇有一種花紋,而且唔會有兩個家族嘅花紋相同。

一件亞蘭冷衫
一份由亞蘭冷衫市場發出嘅《質量證書》,上邊用英文愛爾蘭蓋爾文德文法文日文意大利文寫著:「我等僅此證明爾件係亞蘭冷衫市場出售嘅正宗亞蘭冷衫。件衫係跟足亞蘭島嘅原始紋路設計織嘅,而且已經通過徂亞蘭冷衫市場最嚴格嘅質量檢查。」

傳統嘅亞蘭冷衫係用浸過蠟嘅羊毛織出來嘅,因為羊毛浸過蠟就唔會濕水,落雨或者返風浪嘅時候都可以著,啱晒西海岸啲漁夫打漁嗰陣時著。以前祇有漁夫嘅老婆會織亞蘭冷衫,但係宜家越來越多當地嘅手工藝人開始織亞蘭冷衫,然後拿去大亞蘭島上面嘅亞蘭冷衫市場道賣。另外,以前啲亞蘭冷衫完全係人手織嘅,但係宜家為咗適應市場需求,手工藝人開始用織布機幫手。雖然係咁,但係亞蘭冷衫市場重會為完全用人手織嘅亞蘭冷衫出一份《質量證書》。另外亦都有機械化工廠織出來嘅亞蘭冷衫,但係伊啲冷衫唔防水,花紋亦都簡單好多,因為太過複雜嘅花紋機械織唔出來。

出面網頁 編輯