人體冷凍技術

冷凍屍體等復活

人體冷凍技術(或者係人體冷藏)係一種試驗緊嘅醫療科技,用極低溫(一般喺攝氏零下196度以下)保存人體或者係其他動物,夢想未來有一日可以用先進嘅醫療科學技術幫佢哋解凍後復活同埋治療。

美國生活科學(Live Science)將人體冷凍技術列做十大人腦未解之迷嘅其中之一[1][2]。重有,呢個技術亦都被列為十大超越人類極限嘅未來科學技術[3]

而家最大型嘅人體冷凍公司係美國阿爾科生命延續基金(英文:Alcor Life Extension Foundation)同埋美國人體冷凍機構(英文:Cryonics Institute)。

技術嘅前提 編輯

人體冷凍技術嘅主要前提係:人類所有嘅記憶性格身份意識都係用細胞結構同化學嘅形式(主要喺個腦度)儲存。人體冷凍技術就係希望透過冷凍科技,防止腦部受損,以達至暫停生命嘅效果,同希望未來可以透過科技令冷凍者返生同埋得到醫治。

哲學同埋道德倫理考慮問題 編輯

宗教同靈魂問題 編輯

一啲宗教人士認為,人體冷凍科技會同宗教有衝突,主要係因為人嘅靈魂已經走咗,冷凍技術冇可能醫到冷凍人嘅靈魂。但係人體冷藏公司就認為,人體冷藏者就好似人長期瞓覺或者係昏迷咗一樣,靈魂係唔會離開肉體,而冷凍技術就同其他醫療技術一樣,只係設法將冷凍者醫治同延續佢哋嘅生命。冷凍公司更加認為冷藏者只係好似患咗重病嘅病人一樣。因此,冷凍公司認為人體冷凍技術同宗教並冇任何衝突。 [4][5]

費用 編輯

人體冷凍收費平到美金 $10,000(俄羅斯KrioRus 嘅腦神經冷藏)至美金 $28,000(美國Cryonics Institute 嘅全身冷藏),貴嘅話就美金 $155,000 (American Society Institute 嘅全身冷藏),到美金 $200,000( 美國Alcor Life Extension Foundation 嘅全身冷藏)都有,主要係睇番唔同公司同埋唔同服務而定。

另外,人體冷凍者可以用人壽保險嘅形式畀錢,或者分期付款都得。[6]

技術嘅可行性 編輯

而家冇任何人能夠喺冷藏之後返生,但係,人體冷凍基於以下嘅信念,相信技術係可行嘅,包括:

  • 假如人體或者係動物嘅結構能夠保存得好,噉生命就可以被停止,亦都可以重新啟動。
  • 玻璃化嘅冷凍方法可以有效噉保存人體或者動物嘅生命。
  • 相信未來嘅分子修復技術可以有效噉修復受損(甚至已經死咗)嘅生理結構[7]

重有,有啲人認為以下嘅跡象可以推斷佢嘅可行性,包括:

  • 加拿大曾經有個女嬰凍死咗幾個鐘之後,被醫生解凍後可以好番冇事[8][9]
  • 曾經做過一個實驗,成功冷凍咗一隻馬騮,幾個鐘之後可以復原[10]
  • 曾經做過一個實驗,成功將冷凍咗 16 年嘅老鼠基因,複製出新嘅老鼠出嚟,並可以健康咁成長[11]
  • 玻璃水[12] 嘅冷凍方法解決咗身體冷凍之後容易受損嘅問題。[13][14]
  • 有研究話體溫較低更加容易令人長壽[15][16]
  • 有研究人員做過實驗,成功將狗、豬同老鼠冷卻咗幾個鐘頭之後(冷凍後只有好微弱嘅心跳)復原[17][18][19]
  • 喺攝氏零下196度嘅低溫下,佢嘅反應速度只喺攝氏37度體溫下嘅 9 * 1027 分之一。[20]
  • 部分嘅人體器官可以喺低溫之下長期保存 [21]
  • 科技樂觀者認為,第時納米技術發展成熟後,可以修復冷凍過程帶嚟嘅細胞損傷,重可以修復由衰老或者疾病引起嘅損傷。[22]

對技術嘅批評同爭議 編輯

  • 就而家嘅科學技術嚟講,能夠喺低溫保存嘅就只有細胞人體器官。但喺單單要保存一個人體器官已經非常困難。主流嘅科學界重喺度研究緊細胞同埋組織器官嘅保存。[23]
  • 而家重未有一個冷凍成功嘅例子。[24]
  • 現家重未有實驗可以證明,喺冷凍一段長時間後,細胞仍然可以保存得完好。[25]
  • 而家有啲醫學專家認為人體冷凍技術冇任何醫學價值。[26]

法律議題同埋法律保障 編輯

法律上,人體冷凍嘅冷藏者都當係死咗嘅人,而人體冷凍公司就被當作一間提供殯葬嘅機構同一間醫學研究嘅機構。人體冷凍可以睇成一種殯葬嘅方式,或者係將自己嘅遺體或器官捐畀醫學機構作醫療科學研究用途。人體冷凍公司有必要喺病人喺法律上宣告死亡之後至進行人體冷凍。

如果提供人體冷凍服務機構嘅資金用晒,而冷凍者同佢啲親友同支持者都提供唔到足夠資金繼續維持嘅話,大多數冷凍公司嘅協議都表明,人體冷凍機構可以喺呢個情況下終止人體冷凍服務[27][28][29][30][31]

參閱 編輯

編輯

  1. Top 10 Mysteries of the Mind, Live Science
  2. 十大人腦未解之迷 互聯網檔案館歸檔,歸檔日期2016年3月4號,.,人民網
  3. 十大超越人類極限的未來科學技術 互聯網檔案館歸檔,歸檔日期2007年12月8號,.,PCHOME 中國網
  4. Cryonics FAQ - Religion and Philosophy
  5. Alcor - Christianity and Cryonics: Questions and Answers, Alcor Life Extension Foundation
  6. Cryonics FAQ - Financial Questions
  7. Alcor: About Cryonics
  8. “凍死”女嬰復活 速凍大腦是原因? 互聯網檔案館歸檔,歸檔日期2008年2月12號,.,人民網
  9. 人體冷藏復活將不再是夢想
  10. 打破砂鍋:“人體冷凍術”能否讓人起死回生?(文中最後第二段提到江基堯教授曾經令一隻馬騮死而復生),科技日報電子版
  11. 冷凍16年老鼠 遭成功克隆「復活」,文匯報
  12. 即係玻璃化嘅冰,又叫做「低密度無定形冰」,英文簡稱係 LDA
  13. 玻璃水能否讓人凍後復活,搜弧
  14. 芬蘭科學家造出玻璃水,可讓人體冷凍後復活, 百奧知網
  15. 俄羅斯科學家稱人體溫降低兩度可多活120到150年 互聯網檔案館歸檔,歸檔日期2006年11月30號,.,新華網
  16. 冰凍長生夢——我們20年後再見 互聯網檔案館歸檔,歸檔日期2007年9月29號,.,中國網
  17. Jennifer Bails (2005-06-29). "Pitt scientists resurrect hope of cheating death". Pittsburgh Tribune-Review. 原著喺2007-10-15歸檔. 喺2006-10-10搵到. {{cite news}}: Check date values in: |date= (help)
  18. "Doctors claim suspended animation success". The Sidney Morning Herald. 2006-01-20. 喺2006-10-10搵到. {{cite news}}: Check date values in: |date= (help)
  19. "Gas induces 'suspended animation'". BBC News. 2006-10-09. 喺2006-10-10搵到. {{cite news}}: Check date values in: |date= (help)
  20. Scientific Justification of Cryonics Practice 互聯網檔案館歸檔,歸檔日期2008年5月17號,., Page 4, REJUVENATION RESEARCH, Volume 11, Number 2, 2008, Cryonics Institute
  21. 金書屋 - 美國嘅冷藏人體公司. 原著喺2005年4月10號歸檔. 喺2008年2月24號搵到.
  22. 有人使用人體冷凍法保存過嗎? 互聯網檔案館歸檔,歸檔日期2008年10月19號,.,博聞網
  23. 幻想還是欺騙?復活冷凍人狂想幻想曲 互聯網檔案館歸檔,歸檔日期2014年2月2號,., 世界科技報道
  24. 不是蠻幹就能實現,騰訊科技
  25. 打破砂鍋:「人體冷凍術」能否讓人起死回生?,科報網
  26. 人體冷凍目前無任何醫學價值 互聯網檔案館歸檔,歸檔日期2012年1月14號,.,上海市藥學會
  27. Legal Protection of Cryonics Patients, Part 1 互聯網檔案館歸檔,歸檔日期2012年8月9號,.,INSTITUTE FOR EVIDENCE BASED CRYONICS
  28. Legal Protection of Cryonics Patients, Part 2 互聯網檔案館歸檔,歸檔日期2012年8月9號,.,INSTITUTE FOR EVIDENCE BASED CRYONICS
  29. The Legal Status of Cryonics Patients,阿爾科生命延續基金會
  30. CRYONIC SUSPENSION AGREEMENT 互聯網檔案館歸檔,歸檔日期2006年9月8號,.,Cryonics Institute
  31. Cryopreservation Agreement, Alcor Life Extension Foundation

出面網頁 編輯