何詠深（英文：Rachel Ho，1994年—）係香港嘅獨立唱作女歌手，2009年以15歲嘅年紀參加亞洲電視搞嘅歌唱比賽《亞洲星光大道》而出名。
何詠深中學讀瑪利諾修院學校，大學讀香港大學工商管理學學士（主修法學），大學畢業後創辦補習社，亦兼任獨立唱作歌手。
何詠深9歲開始跟杜麗莎學唱歌，亦曾經喺唔少個音樂比賽攞獎。佢喺《亞洲星光大道》最後以第11名完成比賽。
