作者不明嘅作品
作者不明嘅作品，又叫匿名作品、佚名作品，係指公眾冇辦法確認作者嘅作品。作品泛指所有創作，包括藝術作品、文學作品等。作者不明最常見嘅原因係文獻隨住時間嘅流逝而流失，作者嘅資訊已經無從考究。
原因 編輯
作者不明有好多原因，以下係常見嘅原因：
時間 編輯
有啲作品，由於年代久遠，文獻因保管不善而有遺失或者被刻意銷毀，作者已經無從考究，而作品反而靠民眾相傳或者其他原因，而得以生還。
作者自願隱藏 編輯
- 有啲作者唔想收獲名氣，會特登唔公開自己嘅身分。
- 如果發佈嘅作品有爭議，有啲作者可能會為咗保全自己嘅名聲，唔公開自己嘅身分。
- 有啲作品為受法律限制，唔可以合法公開作者，作者費事犯法就唔會公開自己嘅身分。
- 有啲作品可能會觸犯政治或者社會禁忌，為免被逼害甚至暗殺，作者都唔會公開自己嘅身分。
作者無意留名 編輯
有啲作品係好多志願者，每個人只貢獻少少噉一齊整嘅，而嗰啲志願者好多時一開始就冇諗住會記低自己個名，自然作者無從考究。