六自由度

六自由度luk6 zi6 jau4 dou6（英文：six degrees of freedom，6DOF）喺遊戲編程同電腦圖像學等嘅領域上係指一件剛體（rigid body）喺三維空間入面嘅活動自由－呢件物體可以向上下左右前後六個方向移動。

六自由度係遊戲物理嘅其中一個根基。

工程應用

睇埋：機械

遊戲概念

睇埋：遊戲物理

• 位置：定義上，郁動就係「位置嘅改變」，噉即係話要諗郁動，隻遊戲嘅程式首先要「同遊戲世界入面每件物件，記住件物件喺邊個位」。當中拼接圖式可以話係最簡單嗰隻做法－响一隻拼接圖式遊戲裏面，遊戲世界明顯分做一格格，一件物件（遊戲角色或者障礙物）嘅位置一定係喺其中一格嗰度，冇得話身處响相鄰嘅兩格之間；一般嚟講，拼接圖式做法畀人覺得算係比較原始，因為簡單而冇咁易出現 bug 但又完全達唔到迫真嘅物理世界，到咗廿一世紀初已經好少可會用。
• 角色郁動：平台遊戲本質上就係畀玩家控制住玩家角色喺關卡當中郁動；玩家角色有好多方法郁，包括－
  • 行同跑：一個角色行嗰陣，佢會沿住佢面向嗰個方向得到一個非 0 嘅速度，因而位置改變，途中佢嘅 3D 模型或者精靈圖要有相應嘅郁動；跑係快啲嘅行－速度係行嗰陣嘅 $n$ 倍而 $n>1$，不過「$n$ 具體數值係幾多」就係遊戲製作師要慢慢調節嘅參數，而且正路嚟講跑同行用嘅動畫應該會唔同。
  • 跳躍：個角色跳嗰陣會得到一個向上嘅加速度 $a$，然後就會喺重力嘅影響下跌返落地面，通常喺跳嘅期間可以有打橫嘅郁動。唔同嘅平台遊戲，跳嘅具體細節都可以有異，例如有啲遊戲可能會係「吓吓跳嘅 $a$ 數值都一樣」嘅，但又有啲遊戲可能會加入「$a$ 嘅數值取決於玩家撳個跳掣撳實咗幾耐」噉嘅設定。
  • 有關位置、速度同加速度呢啲概念之間嘅啦掕同埋「啲數要點計」，可以睇吓牛頓力學。

睇埋

• 平台遊戲
• 動作遊戲