分析語

分析語（粵拼：fan1 sik1 jyu5；英文：analytic language）係一種按構詞方式嚟將語言分類嘅方法。

基礎概論

睇埋：語言類型學、構詞學同詞形變化

如果話隻語言係分析語，意思係指佢主要靠語序同幫手字詞（helper word；包括助詞同介詞呀噉）嚟表達啲字之間嘅關係，而毋靠詞形變化。

例如粵語同標準官話就無乜詞形變化，公認係非常分析嘅語言。

語言演變

喺 5 至 15 世紀期間，英文被指係演變到愈嚟愈傾向分析語。例如由古英文變到去中古英文嗰段期間，英文喪失咗大部份嘅文法格系統：古英文曾經有一個變格系統，同拉丁文、希臘文、同埋德文等好相似，簡單噉講即係一隻字詞要視乎佢喺句子入邊做乜嘢角色而變樣；到咗中古英文嘅時期，呢啲系統都逐漸失傳。而到咗廿一世紀初，英文淨係得屬格仍然存在，而屬格以外嘅文法格近乎唔見晒咁滯，係得例如男性第三人稱代詞做主語嗰陣係 he（主格）但係做賓語嗰陣要變做 him（賓格）呀噉。

睇埋

• 孤立語
• 漢字