前准將官邸
前准將官邸（Ex-Commodore's House），又叫前海軍司令官邸，係香港一座歷史建築物，喺香港島中環寶雲道5號，附近係馬己仙峽道，而家係「母親的抉擇」嘅辦公大樓，喺1985年被列為二級歷史建築，2009年12月18號改評為香港一級歷史建築。
史 編輯
呢座建築喺1914年起，原本係香港置地嘅秘書住所，嗰時名叫Iddesleigh。1941年日本佔領香港之後，呢座建築物被日本海軍佔用咗做海軍司令官邸。香港重光之後，呢座建築物被英國皇家海軍佔用，並喺1952年分配畀海軍准將，因此被叫做准將官邸。1979年，呢座建築物移交畀香港政府。1990年，呢座建築就撥畀慈善團體母親的抉擇做嬰兒護理部同住宿特殊幼兒中心之用。
特色 編輯
三層高嘅建築物用新古典主義風格起成，科林斯柱、弓型拱、刻有豐富裝飾嘅屋簷同內部華麗嘅裝潢，顯示出建築物擁有人嘅崇高社經地位。建築物正立面頂部嘅華麗三角牆就反映出受到巴洛克建築風格嘅影響。