阿晶 (澳門)
提示：呢篇文講嘅唔係儀仔。呢篇文側重咗喺部分見解、事件或爭議。 |
阿晶（中文真名：劉靜儀；葡文真名：Lao Cheng I；英文花名：Jane；1994年11月18號—2023年7月26號），做過澳門演藝公司微辣嘅藝人經理人，期間多次為其客串演出，後來改為做獨立KOL，亦喺網上賣過晶石，仲可能係間咖啡廳嘅老細（之一）。阿晶似乎係抑鬱症（等）長年病患者，其死於燒炭自殺嘅消息轟動港澳等地，傳媒傍網民紛紛議論微辣整體傍多個其他（前）成員（組別一：林茂發、張詠儀；組別二：鄭嘉豪、陸志豪、雷苡丞、葉佩男、葉思男、盧志榮）有無份間接害死渠。
| 阿晶 | |
|---|---|
 | |
| 個人資料 | |
| 出世 | 1994年11月18號.svg){kind=small} 葡屬澳門 |
| 逝世 | 2023年7月26號（28歲） 澳門 |
| 國籍 |  中國（澳門） |
| 教育程度 | 嘉諾撒聖心女子中學、澳門旅遊學院 |
| 職業 | YouTuber |
| YouTube資料 | |
| 頻道 | |
| 活躍年代 | 2017年到2023年 |
| 訂閱 | 71,000 （截至2023年7月30號） |
| 總點擊率 | 7,290,968 （截至2023年7月30號） |
波瀾 編輯
阿晶2017年加入微辣，喺2021年退出，轉做KOL，2023年先後疑似食安眠藥自殺失敗及證實燒炭自殺成功；大批網民將其死亡歸咎微辣（整體或若干其他（前）成員）。由阿晶傍微辣各（前）成員於社交媒體發佈嘅嘢可見，阿晶於微辣在職時同老細兼藝員之一加蔥（林茂發）成為情侶，並懷上其骨肉，不過被對方遊說或威迫到去徂墮胎，似乎因此患上抑鬱症，再跟著加蔥向阿晶表示係不婚主義者，最後分手，時為2021年，阿晶過徂無幾耐離職做獨立KOL，期間該情緒病持續，不過後來加蔥向阿晶嘅（前）朋友兼（前）同事儀仔（張詠儀）求婚並獲答應，兩者又喺網上擺出唔少顯示彼此恩愛幸福嘅片傍相，部份儀仔模仿阿晶嘅作品被若干分析指包含對渠誅心嘅用意，阿晶同加蔥曾經喺網上就感情傷害（包括墮胎原因及分手理由）之事嘅隔空對質，亦令加蔥品格備受外界批評，微辣嘅形象似乎亦因此受損。[1][2]
除此以外，有其他微辣（前）成員亦似乎同阿晶有衝突（有尐話阿晶搶徂其他人嘅代言或廣告等工作機會，阿晶否認），其中卡特、六毫子、阿丞、佩男、思男傍煮詞人加徂喊樣特效，喺社交網站接連展示嘅幾張大頭相，更被唔少人視為渠等集體職場欺凌傍網絡欺凌阿晶嘅公開證據；阿晶嘅遺言式埃豬帖聲稱微辣有人打過電話畀渠，話公司已經整好徂尐對渠不利嘅片傍歌，以此威脅自己停止對外申冤，嚇到渠向上述六人分別道歉，再後來仲準備徂份（唔知乜嘢）聲明書，要渠簽字，而爾連串事件令其情緒病惡化；微辣於渠死後發佈嘅公告，就否認自己有恐嚇過渠。[3][4]
有個名為“糖水舖”嘅抖音戶口，疑似由阿晶老母操作，由2023年8月4號開始陸續發佈為阿晶喊冤傍聲討加蔥嘅內容，其中包括一批之前未曾公開，阿晶幼年至成年嘅相，另有啲字句似乎顯示渠有（自殺）變鬼為其報仇之念頭，令唔少網民擔心。面書群組“澳門高登起底組”等有轉載上述內容，後來油管頻道“日更頻道PLUS”似乎聯絡到渠兼向外界報平安。除此以外，面書網名為“Max Wong”嘅疑似阿晶表哥由2021年10月25號或稍早起，亦同林茂發就阿晶係唔係被對方哄騙或逼迫墮胎一事數次喺互聯網隔空互鬧。[5][6]
參考 編輯
- ↑ 新假期 (2023-07-28). 〈微辣阿晶離世｜千字文遺書透露因墮胎而患上情緒病 揭曾遭前同事恐嚇 | 影視娛樂〉. 《新假期》 (美國英文). 喺2023-08-07搵到.
- ↑ 金秀玲 (2023-07-30). 〈微辣阿晶｜生前3段錄音揭加蔥唔陪墮胎覆診 更因一事醫院發脾氣〉. 《香港01》 (香港中文). 喺2023-08-07搵到.
- ↑ 力報. 〈前經理人阿晶抑鬱輕生離世 微辣掀割蓆潮加蔥宣布退出〉. 《力報》. 喺2023-08-07搵到.
- ↑ 〈YouTube頻道｜一哥之爭《試當真》vs《微辣》 始祖一哥竟被評為老人台漸變TVB？ | 流行娛樂〉. 《新Monday》 (美國英文). 2022-04-13. 喺2023-08-07搵到.
- ↑ 〈疑似阿晶媽媽發文稱要為女兒討回公道 買齊紅底褲網民擔心睇唔開 | 最新娛聞〉. 《東方新地》 (美國英文). 2023-08-07. 喺2023-08-08搵到.
- ↑ wai, sue (2023-07-27). 〈微辣前經理人阿晶以死控訴！還原事件始末 微辣多人被牽涉其中？〉. she.com (臺灣中文). 喺2023-08-09搵到.
- ↑ 〈指職場騷擾及欺凌求助多 高天賜促立專門法律處理〉. 《論盡媒體 AllAboutMacau Media》. 2023-08-03. 喺2023-08-09搵到.
- ↑ 〈兩議員關注職場欺凌 促政府完善法規、企業增訂內部守則〉. 《論盡媒體 AllAboutMacau Media》. 2023-08-08. 喺2023-08-09搵到.
出面網頁 編輯
- 阿晶埃豬：https://instagram.com/laochengi
- 阿晶面書：https://www.facebook.com/Jane.SHE
- 阿晶表哥埃豬：https://instagram.com/maxwong1025
- 阿晶表哥面書：https://www.facebook.com/maxsywong1025
- 阿晶老母面書：https://www.facebook.com/muifat.iao
- 阿晶老母抖音：https://www.douyin.com/user/MS4wLjABAAAAuuusg2xSjXpbXAq0ox7oU2SneD5YLKfXxZ4hNeP23qAjP4WhWACHPb3fzyKOKd0c
- 阿晶老母小紅書：https://www.xiaohongshu.com/user/profile/64e06ef00000000001010295
- 853 Crystalshop埃豬：https://instagram.com/jane_crystalllll
- +82 Espresso Bar面書：https://www.facebook.com/82espressobar