北京道（Peking Road）係香港九龍尖沙嘴一條路。條路係東西走向，西面去到廣東道，經過九龍公園徑、亞士釐道、漢口道、樂道，東面去到彌敦道。
1880年條街起好，初頭叫遮打街（Chater Street），係花園城嘅一部份。呢個名係來自商人遮打，佢係有份出錢搞尖沙嘴，亦係九龍倉老闆。因為香港島中環都有條遮打道（Chater Road），1909年3月19號改做北京道。1968年喺北京道一號嘅九龍街市搬埋、拆咗。
