南豐中心

南豐中心（Nan Fung Centre）係香港荃灣一座商業大廈，基座係荃灣新之城。南豐中心喺1982年落成，原址係木棉下村同埋南豐染廠。

南豐中心喺荃灣嘅心臟地帶，係往來九龍同新界人流嘅主要集中地，加上商場平台設有行人天橋連接公共運輸交匯處、荃灣城市中心、愉景新城同埋荃灣市中心，為商場帶嚟大量人流。

南豐中心底層巴士總站提供好多條巴士線去屯門、元朗，加上毗鄰港鐵荃灣站，成為來往市區同新界西北區嘅重要交通樞紐。喺三號幹線同埋西鐵綫未通車前，每日放工時間都可以見到經地鐵轉車嘅人龍。喺打風落雨嘅日子，人龍重會排到去荃灣站入面。

商戶 編輯