原獸亞綱
原獸亞綱（Prototheria，/próto-thiŕ ee-a/）（希臘文：prōtos「第一」；thēr「野生動物」），係哺乳動物嘅一個亞綱。依個亞綱包括原始嘅針鼴同鴨嘴獸。佢哋嘅祖先大約喺中生代白堊紀至新生代早期時份就已經出現。佢哋雖然話係哺乳動物，但仍然保留咗唔少同雀同爬蟲類一樣嘅身體特徵，如：生蛋；冇分肛門、尿道同產道，而係由合一嘅泄殖腔代替。不過，同雀﹑爬蟲類之間最明顯嘅分別係，雀同佢哋都係溫血動物，而爬蟲類就唔係。動物乸都有乳頭，畀幼仔飲奶嚟哺育佢。
 | ||||||||
|---|---|---|---|---|---|---|---|---|
 | ||||||||
| 物種分類 | ||||||||
| ||||||||
而家原獸亞綱又叫「單孔亞綱」Monotremata，係因為佢係唯一到而家都重生存緊嘅亞綱，但原來根據化石所講，原來原獸亞綱喺以前重有其他類，只不過而家死晒喇。現時原獸亞綱，後獸亞綱同真獸亞綱就成為哺乳動物現時嘅三大類，湯瑪士·赫胥黎 稱呼佢哋係真獸類（first beast）。原獸亞綱一度俾人認為係較低等嘅動物。但係現時生物學嘅研究證實佢哋只係比後獸亞綱（有袋亞綱）同真獸亞綱（有胎盤亞綱）較早分支出來咁解。
睇埋 編輯
 |