回轉壽司壽司餐廳嘅一種。師傅將整好嘅壽司放喺碟後擺喺運輸帶上面,運輸帶圍繞餐廳嘅坐枱而行。除咗可以喺運輸帶上面攞壽司之後,客人亦可以要求師傅個別整想食嘅壽司。壽司按價錢放喺唔同顏色嘅碟度。食完之後,店員依照顧客枱上嘅碟而計算帳單。

迴轉壽司嘅運輸帶上除咗壽司之外,可能亦會有其他日式嘢食,包括:小食紙包飲品生果甜品等。迴轉壽司舖通常比傳統壽司店嘅價錢比較大眾化,而最受歡迎嘅回轉壽司舖由於顧客流量高,壽司放喺運輸帶上嘅時間亦相對較短,因此材料通常都應該比較新鮮。

顧客枱上通常已經有需要嘅配料,例如豉油紫薑山葵等。其他用品好似筷子熱茶紙巾等,顧客都可以喺枱度攞到。

歷史 編輯

 
元祿壽司 布施本部店

回轉壽司由白石義明19142001年)發明。白石當時經營嘅壽司舖唔夠人手,喺睇到朝日啤酒廠嘅啤酒樽運輸帶後,靈機一觸將呢種概念引用到壽司舖度。經過五年嘅發展,1958年白石喺大阪開設第一間回轉壽司舖,叫做「元祿壽司」。喺業務發展嘅高峰期,元祿壽司嘅240間分店遍佈日本各地。2001年就回落到11間。

起初,所有嘅客人都係膊頭貼膊頭對住運輸帶坐,但係咁樣坐對團體顧客來講好唔方便,因此唔受歡迎。慢慢,店家開始喺運輸帶側邊適當嘅地方加上枱,每張枱最多可以坐六個人。咁樣喺供應相同數量顧客嘅情況之下,亦可以減少運輸帶所需嘅長度。

有人研究認為最理想嘅壽司運輸帶速度係每秒8厘米,咁確保咗運輸過程中嘅安全嘅同時亦照顧到客流量。回轉壽司嘅模式雖然需要較少嘅店員維持,不過喺回轉嘅過程壽司亦乾得比較快。一般來講,運輸帶順時針方向流動,畀多數右撇子嘅顧客用右手揸住筷子嘅同時,可以用左手攞到運輸帶上嘅盤。

白石曾經發明「機械人壽司」,亦即係由機械人來傳送壽司,但並未取得商業上嘅成功。

發展情況 編輯

 
倫敦帕丁頓火車站嘅一間開放式回轉壽司舖

大阪博覽會出現咗回轉壽司餐廳之後,1970年係回轉壽司餐廳第一次迅速發展時期。當外食開始流行後,1980年係第二波迅速發展時期。而喺1990年代經濟泡沫爆破之後,平價嘅餐廳開始受到歡迎,呢個係回轉壽司餐廳嘅最後一次快速發展時期。

日本國內每年嘅回轉壽司市場營運額高達2千4百億日圓2001年統計全國分店高達3000間。世界各地亦存在住為數唔少嘅回轉壽司舖。令到傳統嘅壽司店面對非常大嘅競爭,唔少傳統壽司店面臨倒閉。

大中華地區存在住類似嘅壽司店。香港有「元綠壽司」、而上海就有「緣祿壽司」、台灣有「爭鮮壽司」[1]。呢啲分店同回轉壽司嘅鼻祖「元祿寿司」無關。香港嘅「元綠壽司」甚至用海藻副產品「再造三文魚籽」來製作壽司[2]

出名嘅回轉壽司舖 編輯

參考 編輯

  1. . 原著喺2021年4月21號歸檔. 喺2012年11月5號搵到.
  2. 2004年7月14號《壹週刊》報導