土製炸彈
土製炸彈（Improvised explosive device），俗稱土製菠蘿，係種炸彈，可以用日常生活嘅物料簡單製作，通常都係恐怖份子用，至於點解土製炸彈係香港又叫「土製菠蘿」，除咗因為有啲手榴彈嘅外形似菠蘿，更重要嘅係1967年六七暴動果陣時，工聯會搞咗個叫鬥委會嘅恐怖組織係香港發動「遍地菠蘿」嘅恐怖活動，號召左派暴徒同左派中學學生係香港周圍放真假炸彈進行恐怖襲擊，利用當年仲有得買嘅煙花爆竹，土法製造炸彈，哩啲土法製造嘅「菠蘿」炸彈就叫做「土製菠蘿」，不過出名嘅原因係啲「土製菠蘿」唔係淨係針對警察，係連兒童遊樂場、電車站、碼頭同銀行都擺埋「土製菠蘿」，有啲炸彈仲係由大廈掟落街，果幾個月鬥委會用「土製菠蘿」大肆襲擊平民，日日都上嗮報紙新聞版[1]，左派暴徒仲係整炸彈時放入大量鐵釘同玻璃碎[2]，哩啲「菠蘿」係爆炸時會產生大量尖銳嘅碎片，具有兇殘嘅殺傷力。係六七暴動時俾「土製菠蘿」炸死嘅唔止係警察，仲有好多無辜市民死傷，「菠蘿」係香港亦由此變咗係土製炸彈嘅代名詞[3]。
參考資料 編輯
- ↑ 〈《消失的檔案》 還原香港六七暴動真相〉. 喺2023-02-26搵到.
- ↑ 〈警員憶述文革浪潮衝擊香港 難忘六七暴動拆炸彈〉. 《蘋果日報》. 果靈聞庫. 2006-05-16. 喺2023-03-02搵到.
- ↑ 張家偉. 〈六七暴動：香港戰後歷史的分水嶺(2012)〉. 喺2023-02-25搵到.
