大理國

大理國（Dablit guaif，937年到1254年）係由白蠻人段思平喺雲南周圍建立嘅政權，版圖大約係而家嘅雲南省、貴州省、四川省西南部、緬甸北部，同埋老撾同越南嘅少少地方。

大理國版圖（紫色）

白蠻人段思平喺937年滅咗南詔，建立大理國。首都喺羊苴咩城（而家雲南大理太和村），國號大理，因為佢哋尊崇佛教，又叫妙香國。1095年，高昇泰廢咗大理國保定帝段正明，自立做皇帝，改國號做「大中國」，之後嗰年高昇泰病死咗，高昇泰個囝高泰明將大權還返畀段氏嘅段正淳（段正明嘅細佬），史稱後理國。

1253年，大蒙古國忽必烈「革囊渡江」打雲南，滅咗大理國。