太和市，又叫大埔墟，係香港一市，喺新界大埔。呢個市取代原本喺佢北便，近大埔海邊嘅大埔墟嘅地位，成為新嘅大埔墟，而原墟就畀人叫做大埔舊墟。大和市因為南有大埔墟火車站，卽家下香港鐵路博物館。個市日漸發大，成為今日大埔市區。太和市原本由富善街發展出來，有文武廟作為市嘅管理中心。
太和市除咗原本富善街，亦發大到北盛街、寶鄉街、九廣鐵路同廣福道圍住嘅市。其後南面田地，亦化成市區，叫公園仔。香港政府起船灣淡水湖，要拆屋搬村。爲咗安置居民，喺大埔墟海皮填地，起咗六鄉新村，卽係啲六鄉樓。
