「周公」跳轉到呢度。有關其他用法,請睇「周公 (搞清楚)」。

姬旦,又叫周公周公旦叔旦,係姬周部落首領姬昌(西伯昌)嘅仔,姬發嘅細佬。

姬旦
周朝攝政王
在位公元前1042年 - 1035年

全名
姬旦
諡號周文公
褒德王
文憲王
父王姬昌
母后太姒

姬昌死後,姬發繼位做周王,佢幫手打天下,將西向東,响牧野之戰打敗商紂王,推翻商朝,成爲共主。姬發死,仔姬誦立。因爲姬誦年紀細,周公就代爲攝政。嗰陣就有三監之亂,姬旦同兄弟姬奭聯手剷除東方殷商勢力,奠定姬周地位。同時亦創立禮樂,爲各諸侯所遵守,死後謚號文,世稱周文公

周公同夢 編輯

「夢神」 編輯

因為孔子一句「吾不復夢見周公」(我好耐冇夢到周公治理嘅美好社會喇),後來周公就畀人叫做「夢神」。

周公解夢 編輯

周公解夢」係傳統嘅夢文化,根據夢嘅內容預測未來。流傳喺民間嘅解夢書《周公解夢》入便,分咗夢做十五類:直夢、象夢、因夢、想夢、精夢、性夢、人夢、感夢、時夢、反夢、借夢、寄夢、轉夢、病夢、鬼夢。

民間傳說同戲稱 編輯

民間傳說如果一個人就快發生啲乜重要嘢,周公就會嚟投夢,於是「夢周公」用嚟戲稱睏覺。亦有人用「(去)搵周公」代表去睏覺。