孟加拉

  呢篇文講地區。想搵國嘅話，請睇孟加拉國。

孟加拉（孟加拉話：বঙ্গ／বাংলা/）係印度歷史政區同埋而家南亞東北部嘅地理分區，因為嗰度主要居民係孟加拉人而得名。孟加拉主要指而家孟加拉國加埋印度西孟加拉邦一帶；另外，英屬印度時期呢一個地區嘅一啲孟加拉土邦而家歸咗入印度比哈爾邦、特里普拉邦同埋奧里薩邦，呢個地區主要居民係孟加拉人，講孟加拉話。人口嘅66%信伊斯蘭教，33%信奉印度教。

孟加拉嘅位置

簡介

孟加拉地區係世界上人口密度最高嘅地區之一，人口密度每平方公里900人。孟加拉地區大部分係低海拔嘅恒河三角洲，恒河三角洲南部係「松達班」，嗰度有世界最大嘅紅樹林森林，又係孟加拉虎嘅屋企。

呢個地區嘅人口主要係以耕田為主嘅農業人口，架利吉打同達卡係人口過百萬嘅城市。

史籍記載

喺中文古典典籍裏便，孟加拉喺《後漢書》叫「磐啟國」；大宋《諸蕃志》裏便叫「鵬茄羅」，首都「茶那咭」；元朝《島夷志略》叫「朋加剌」；大明《瀛涯勝覽》叫「榜葛剌」。