宮粉羊蹄甲

宮粉羊蹄甲（粵拼：gung1 fan2 joeng4 tai4 gaap3；學名：Bauhinia variegata）；又叫宮粉紫荊（gung1 fan2 zi2 ging1）；佢係蘇木科羊蹄甲屬嘅落葉喬木仔，原產地喺中國南邊、印度同馬來半島地區。

How to read a taxobox 宮粉羊蹄甲
物種分類
界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 豆目 Fabales 科 豆科 Fabaceae 亞科 蘇木亞科 Cæsalpinioidese 屬 羊蹄甲屬 Bauhinia 種 宮粉羊蹄甲 B. variegata
二元學名
Bauhinia variegata S. T. Dunn

形態

呢樖嘢一般有7米高到，單葉互生，樹葉好似個腎嘅樣噉，葉色係淺綠色，葉面比較光滑。而花嘅方面，佢係總狀花序，一般生喺樹頂或樹杈嗰度，花瓣有5嚿，而花色係粉紅或淡紫色，都幾有花香吓，入面有5嚿雄蕊，其中有1嚿有深紅色嘅條紋響度。而花期方面，佢每年3——5月落咗葉之後先至開花。

適應環境

呢樖嘢鍾意有陽光同濕暖嘅氣候嗰度生，雖然佢唔禁（kam1）凍，但佢禁（kam1）又濕又肥兼排水比較好嘅泥嗰度生。

用途

呢種植物嘅花、花芽、嫩葉同佢嘅果仔都可以食得，同時佢嘅根皮重可以做藥，可以醫消化唔好嘅病。

綠化

廣州四圍種咗好多宮粉紫荊做綠化。天冷到開春之間，好啱賞花嘅地方包括流花路、雲城東路、雲城西路、齊心路、花城大道、臨江大道、海珠湖、海珠濕地、白雲路、東湖路、黃埔大道、水秀一路、花地河兩岸、閱江路、增城新城大道、增城荔城街佑府路、麓湖公園、華南農業大學、天河公園、珠江公園、燕嶺公園、白雲湖、城市兒童公園、生物島攬勝園、穗東街夏園湖、蓮花山明花園、大學城、大象崗森林公園、沙頭江景賞花長廊、南沙天后宮、南沙兒童公園、荔湖公園、正果鎮月亮灣公園、清水公園、仙村鎮仙村花園、大夫山森林公園、海鷗島森林公園、白江湖森林公園、十八羅漢松森林公園。

相

• 
• 
• 
  白花品種

有關嘅書

• 《樹影花蹤－九龍公園樹木研習徑》，香港園藝學會 著，天地圖書 出版 2005年4月 28-32頁 ISBN 988211147-5
• 宮粉羊蹄甲

出面網頁

• 宮粉羊蹄甲 樹木谷