富豪B12M

富豪B12M（Volvo B12M）係瑞典富豪出嘅一款中置引擎巴士底盤，喺2000年亮相，並取代富豪B10M。

富豪B12M可以整成客車或者城市巴士等等。副臥置式嘅富豪DH12引擎擺喺第一同埋第二車軸之間，同富豪B10M一樣。另外亦有三軸版B12M、掛接版同埋雙掛接版B12MA可以揀。

佢可以配唔同車身，亦有啲係配富豪旗下嘅車身，以富豪8500、8700或者9700名義賣。

喺大概2010年之後，B12M底盤改為淨係喺巴西出，並喺2011年改叫富豪B340M。