小谷圍，古稱小箍圍，喺廣東番禺，家時屬廣州市番禺區新造鎮，原有北亭、南亭、南步、練溪、詩家山、鷺村、貝崗、穗石、郭塱、赤磡、大塱、大湴、新坑夾埋十三鄉。2000年代，政府要起廣州大學城，就滅咗九條村，上訪戶畀政府拉嗮去坐花廳。
2003年初，小谷圍島正係起緊廣州大學城，考古工作隊發現咗五代南漢時期嘅德陵同康陵遺址。康陵係南漢開國皇帝高祖劉龑嘅陵墓，而德陵就係佢阿哥劉隱嘅。 [1]
