小魚仙》(英文The Little Mermaid)係一部由華特迪士尼1989年製作及發行動畫戲電影。套戲最早喺1989年11月17號上畫。佢係迪士尼第28部經典動畫長片。

《小魚仙》係改編自安徒生喺1836年發表嘅童話作品《人魚公主》。佢喺美國嘅票房收入超過八千四百萬美元;而喺國際上嘅票房收入亦突破九千九百萬美元。

《小魚仙》嘅成功,令到1980年代初喺長篇動畫遭受一連串失敗同埋批評嘅迪士尼,得到一個修養生息嘅機會。《小魚仙》同時亦標誌着一個新時代,被稱為迪士尼文藝復興的開端。

套片雙碟版嘅白金典套片嘅DVD分別由中錄德加拉同埋博偉喺中國大陸香港、同台灣發行。電影原聲帶由滾石喺兩岸發行後,EMI、艾迴分別喺中國大陸、台灣再度發行。2006年,發行雙碟白金典藏版DVD。

劇情大綱 編輯

内文:人魚公主

原版個仔《人魚公主》主要係講一條美人魚追求愛情:個故仔講到小美人魚巧遇王子,為咗想同王子喺埋一齊,而心甘情願噉放棄做人魚同賣咗自己嗰把甜美嘅聲;佢成功噉做到王子嘅密友,但王子始終對佢冇愛意;後嚟王子仲鍾意咗第個女人,而小美人魚同海中女巫講好咗,話如果佢唔能夠同王子成婚就要化為泡沫;最終嘅結局係點,就要睇係邊個版本-有啲版本係悲劇收場,講小美人魚最後幻化成泡沫死亡。

《小魚仙》啲情節係基於《人魚公主》嘅,不過攞走咗一啲畀人覺得唔啱細路睇嘅部份。例如套戲都有講到小美人魚飲秘藥化成人身,但就唔似得原作噉講到小美人魚「覺得好似自己個肚畀劍捅到」或者「每行一步路都好似腳板畀刀插」-呢啲內容畀好多人認為係太暴力,會令細路不安[1]

出面網頁 編輯

參攷 編輯