巴育·佔奧差

巴育·佔奧差（英文：Prayut Chan-o-cha；1954年3月21號—），係泰國退役軍人，前任泰國總理同埋泰國國防部長，而家係泰國樞密院議員。

巴育·佔奧差
姓名原文	ประยุทธ์ จันทร์โอชา
出生日	1954年3月21號  （70歲）
出生地	呵叻府
國籍	泰國
識嘅語言	泰文
母校	Chulachomklao Royal Military Academy、Armed Forces Academies Preparatory School
職業	政治人、軍官
政黨	United Thai Nation
配偶	Naraphon Chan-ocha
兄弟姊妹	Pricha Chan-ocha
網站	www.prayutchan-o-cha.com
[改維基數據]

履歷

泰國退役軍人，2014年開始做泰國總理，亦係泰國國防部長。曾任泰國皇家陸軍上將同全國維持和平秩序委員會主席。

2014年就任後，巴育開始獨裁統治打壓異見人士，要求學校學生背誦佢擬定嘅「十二條價值觀」，並禁止公開批評軍政府同埋討論民主改革。2023年卸任泰國總理。

外交關係

2018年10月24號，馬來西亞首相馬哈迪去曼谷，展開為期2日嘅訪問，同巴育舉行雙邊會談。雙方領導人喺會後舉行聯合記者招待會發表聯合聲明。與此同時，巴育嘅夫人娜拉蓬喺泰國總理官邸接待馬哈迪嘅老婆茜蒂啊斯瑪。之後，巴育設宴招待首相夫婦，出席者重有泰國內閣成員。

2019年6月23號，巴育會見馬來西亞首相馬哈迪，雙方舉行雙邊會談。會上，巴育稱讚馬哈迪係馬來西亞重要政治人物，雙方都好高興兩國可以喺各方面合作，特別係兩國合作解決泰南邊境問題方面。

2019年11月2號，巴育出席第35屆東盟峰會，同馬來西亞首相馬哈迪喺峰會前嘅雙邊會談上握手。

爭議

人權批評

巴育被描述作一個偏執狂同變化無常嘅獨裁者。《衛報》曾指：「佢主導咗政治鎮壓、表現唔好嘅經濟狀況，通過軍事控制主導編成缺乏民意嘅憲法，重加劇咗貧窮嘅南部嘅穆斯林群體所受到嘅暴力。」

2016年11月2號，非政府組織「無國界記者」將巴育列入「新聞自由掠奪者」名單。

2021年1月13號，人權觀察公佈嘅《2021年世界人權報告》指出，泰國對公民同政治權利（尤其係言論自由）施加咗限制。由巴育領導嘅軍政府喺2020年以政治動機為由解散主要嘅反對黨，並以武漢肺炎大流行為由，喺全國范圍內實施緊急狀態，喺2020－2021年泰國示威期間任意逮捕民主活動家，並濫用武漢肺炎緊急措施來壓制言論自由同媒體自由，作為其擴大其鎮壓政策嘅藉口。政府亦都保證唔到人權維護者可以喺安全同有利環境裏面工作。

訪問批評

巴育素以隨性回答媒體提問而聞名，但也時常抨擊記者而引發爭議。

2014年11月21號，巴育喺一場訪問過程中，被問及佢係咪驚反對軍政府嘅抗議時，一邊摸住一名跪喺度嘅記者嘅頭，另一邊用手狂搓記者嘅耳仔，引起輿論非議。因為喺泰國文化中，頭部係一個神聖嘅空間，被陌生人摸到會被認為係唔禮貌。泰國軍政府發言人表示「呢啲很正常」「呢個係一種非常友好嘅姿態，係表達個人情感嘅一種方式」。嗰條片被放上Facebook同YouTube，獲得好多網民點擊，譏諷巴育嘅動作似對待寵物同批評軍政府話五月政變係為泰國帶嚟幸福嘅觀點。之後12月24號，巴育被要求多次面對照相機感到惱火之後，向攝影師嘅頭部掟了一根香蕉皮。

2018年1月8號，巴育喺總理府嘅一場訪問中，為咗迴避媒體嘅提問，佢擺出一個自己嘅人形立牌，並向記者表示：「如果邊個想影相或者問關於衝突嘅政治問題，就問佢啦」，以代替自己面對提問嘅記者，然後直接離開現場返寫字樓，引起觀睇片嘅民眾諷刺佢嘅輕佻態度。

2021年3月9號，巴育喺主持記者會上，被現場媒體追問其3名內閣成員因7年前嘅抗議活動而被判刑，內閣空缺係咪已有潛在人選時，巴育好嬲噉當場攞起一罐消毒用嘅酒精噴霧朝坐喺第一排嘅記者狂噴，然後一隻手攞住口罩擋住自己塊面快腳離開記者會現場。呢個舉動被各大媒體爭相報導，引發熱議。3天後，巴育為此公開道歉，話本身唔係有意嘅，平時都經常好似噉同媒體打交道。之不過以後佢唔會再噉做，會遵守規則秩序。

「着比堅尼不安全」論

2014年9月17日，喺兩名英國觀光客於閣道島被害之後，巴育發表電視講話時稱：「的確係有觀光嘅安全隱患…觀光客們認為我哋嘅國家靚而安全，因此就可以為所欲為，佢哋著著比堅尼到處走…著住比基尼嘅佢哋可以安全咩…除非佢哋其貌不揚？」呢個言論引發國際社會嘅不滿。

9月18日，巴育對記者話：「如果我嘅言論引發任何反感，我表示道歉。我只係想警告遊客，我哋嘅傳統唔一樣，佢哋必須保持警覺。」

違反規定

2021年4月26號，巴育喺總理府主持召開關於採購同分配武漢肺炎疫苗嘅會議期間除咗口罩，違反《傳染病法》嘅相關規定，被罰款6000泰銖。