康樂棋 (棋盤)

  呢篇文講用棋盤捉嘅康樂棋。想搵類似桌球嘅撞擊康樂棋嘅話，請睇康樂棋 (撞擊) ‎。

康樂棋係一種棋類遊戲，可以兩個至四個人玩。康樂棋嘅棋盤共有一百格，會印有一個遊樂場，遊樂場嘅細路都喺度玩緊唔同類型嘅康樂活動，例如打羽毛球、瀡滑梯、田徑、摩天輪、旋轉木馬等。呢隻棋嘅規則同蛇梯棋有啲似，可以話係蛇梯棋嘅本地化版本。

康樂棋棋盤

玩法

玩家每個人先揀一隻屬於自己顏色嘅棋，輪流擲骰決定前進幾多步，如果去到嗰格有指示，就要根據格上嘅指示去做，例如「前進到某一格」、「後退到某一格」、「暫停一次」等。；如果去到終點重有點數剩，就要褪返後剩返嘅點數；最快去到終點嘅玩家就贏 。