呢版文章講嘅係中國名山,想搵同名嘅縣級市,請去【廬山市】;想搵舊名叫廬山嘅市轄區,請去【濂溪區】。

廬山粵拼lou4 saan1贛語白話字:Lu san)係中國,喺中華人民共和國江西省九江市南邊,自古以來就好出名。廬山而今劃作廬山國家公園,並且喺聯合國教科文組織登記,做咗世界文化遺產。正式嘅名叫廬山國家級風景名勝區

廬山國家公園
聯合國教科文組織認定嘅世界遺產
霧繞廬山
登錄原文名
英文Lushan National Park
法文Parc national de Lushan
基礎信息
中華人民共和國 中華人民共和國
江西省九江市
座標29°25′59″N 115°52′00″E / 29.43306°N 115.86667°E / 29.43306; 115.86667座標: 29°25′59″N 115°52′00″E / 29.43306°N 115.86667°E / 29.43306; 115.86667
自然遺產
標準ii、iii、iv、vi
778
登錄史
登錄年份1996年 (第20屆)

概況 編輯

廬山喺長江鄱陽湖之間,東北-西南走向,最高峯係海拔1474米嘅漢陽峯。山區面積282㎢,劃做風景園區嘅面積有302㎢。廬山東邊有鄱陽湖,南邊可以望到滕王閣,北邊望得到揚子江

廬山同莫干山、北戴河、鷄公山並列爲中國四大避暑名勝地。

編輯

廬山長年大霧鎖峯,宋朝文人蘇軾嘅《題西林壁》寫到:

橫看成嶺側成峯,遠近高低卻不同,不識廬山真面目,祇緣身在此山中。

「不識廬山真面目」爾句,令到廬山街知巷聞。

實際上比爾首詩早成千年嘅時候,廬山就已經出名。東晉九江出身嘅田園詩人陶淵明寫嘅20首《飲酒》,第5首就有名句講廬山:

採菊東籬下,悠然見南山。

之後廬山重畀李白白居易等好多詩人墨客做素材入文。

編輯

廬山唔單衹喺文學上出名,宗教上亦都一樣,自古以來係佛教聖山。東漢嗰陣安世高喺度住過,到東晉就有慧遠大師住持東林寺。太元九年(384年)慧遠來咗廬山,之後成世人再都無出山。象徵儒、釋、道三教合流嘅故仔「虎溪三笑」就發生喺呢道。慧遠種咗好多白蓮,於是佢所結嘅念佛社就叫「白蓮社」,慧遠作為淨土宗嘅初祖,對佛教影響好大,因為噉淨土宗又叫「蓮宗」,重影響埋日後嘅白蓮教。

廬山同時亦係政治名山,喺近現代史影響好大。先有1895年開始西洋國家喺呢度大興土木,整成西式避暑地;之後因為廬山離南京近,都喺長江附近,一晚船就到,而南京作為火爐熱到鬼噉,於是民國政府夏天就會搬來呢處辦公,廬山成為中國「夏都」。到共和國時期就做咗毛澤東一眾中共高官權要嘅避暑山莊。1959年1961年1970年呢度開過三次大會,即係廬山會議,一啲重要嘅政治事件,比如八屆八中全會嘅毛彭之爭,搞到曾經打過韓戰彭德懷喺呢度冧咗。

一九八二年國務院將佢列入國家重點風景名勝區。一九九六年,聯合國教科文組織將佢登記做世界文化遺產。

編輯

睇埋 編輯

出面網頁 編輯