微型小說

微型小說mei4 jing4 siu2 syut3（flash fiction），又叫小小說，原本係短篇小說嘅分支，喺順應現代人繁忙生活而發展成一種篇幅短小嘅小說。同一般小說一樣咁重視場景、個人形象、人物心理、敘事節奏。優秀作家可寫出轉折雖少意境深遠或轉折雖多卻清析動人畀人接近中篇小說嘅作品。

微型小說頂嗮櫳去到 2,500 字咁長，一般大約 1,500 字。發展初期曾引起多人投入，因此手法並唔固定，算係新興體裁。但個篇幅亦令唔少作家放棄。現代有學者認定神話、傳奇、同埋字數少嘅話本小說屬於微型小說。但微型小說係近代名詞，係短篇小說分支，受過現代長篇小說影響。若做學術討論並唔適合概括神、異誌、傳奇、話本小說等具有早期發展特色作品。

微型小說爭議除咗學術定位，重包括字數。由於微型小說喺國外傳入觀念，從一開始英文相同嘅1,000字到考量漢字白話文敘述嘅3,000字都有提出。目前出版商多要求2,500字以內，最好1,500字，以避開短篇小說3,000字爭議。