德薩斯州

美國州份
  「德薩斯」跳轉到呢度。有關其他用法,請睇「德薩斯 (搞清楚)」。

德薩斯州德克薩斯州英文Texas),簡稱德州,舊時華埠報章稱之為德沙士省,係美國南部最大嘅一個州,亦係全美國第二大州,僅次於阿拉斯加州。德州嘅首府係柯士甸

德薩斯州位置

傳統上德州係以牛仔文化而出名,專門養牛,每年平均輸出超過1600萬隻。另外棉花石油天然氣亦係德州嘅物產。

洲名來源 編輯

州名源自美洲原居民嘅語言,意思係「朋友」同「盟友」。十七世紀嗰時,嚟到呢度嘅西班牙探險家喺同用卡多語嘅哈西尼族人溝通嘅時候,將對方叫自己做「朋友」(táyshaʼ (/tʼajʃaʔ/))嘅詞語誤以為係當地地名,雖然之後理解咗原意而嘗試更改,但呢一個地名仍然沿用落嚟。雖然地名意思曾經被誤解,但同今日德州嘅座右銘——「友誼」不謀而合。