忽得，又寫成弗得，學名甲喹酮（英文名：Methaqualone, Norminox），係一種中樞神經抑制劑，又叫做白板、糖仔、MX，係常被濫用嘅藥物之一，佢嘅副作用包括意識障礙、暈眩、運動失調、嗜睡、迷糊、視覺障礙、呼吸抑制等。
不過合成嘅忽得多數係啡或黑或黑粒狀粉劑，有啲係米黃嘅粉劑。而非法生產嘅產品個樣重有似藥丸、粉、藥片噉。
粵語入面，忽得亦做咗毒品嘅代表，吸咗毒嘅後生仔會畀人叫做「忽得仔」、「忽得妹」。言行瘋癲嘅人可以用「忽忽地」／「忽嘅」嚟形容。
另外粵語重有俗語：「得就得，唔得就食忽得」，代表豁出去咁解。
