慶盛站 (廣州地鐵)

慶盛站粵拼hing3 sing6 zaam6英文Qingsheng Station)係廣州地鐵4號綫嘅車站,2017年12月28號開通,位置喺南沙區東涌鎮慶盛村近京珠高速公路慶沙路東南角,慶盛火車站隔籬。

慶盛
Qingsheng
概覽
冧巴 411
位置 南沙區東涌鎮慶盛村近京珠高速公路慶沙路東南角,慶盛火車站隔籬。
座標 22°51′59.88″N 113°29′25.98″E / 22.8666333°N 113.4905500°E / 22.8666333; 113.4905500座標: 22°51′59.88″N 113°29′25.98″E / 22.8666333°N 113.4905500°E / 22.8666333; 113.4905500
車站色  
經過路線 4
啟站 2017年12月28號
月台 2
站口數 4
營運資訊
車站服務時間 06:00~23:55
列車服務時間 05:55~00:00
廣州地鐵4號綫
南沙客運港 ◄黃閣汽車城 (4.2km) (2.5km)東涌► 黃村

佢係廣州地鐵系統嘅其一高架站,同時廣深港高速鐵路會喺慶盛站隔籬起個同名嘅慶盛站。曾經喺2015年12月初到2017年12月27號間,屬廣州地鐵系統嘅其一幽靈車站

佢亦係廣州地鐵系統入面,站內其一有兩個廁所嘅車站。

結構 編輯

外觀 編輯

 
從出面睇慶盛站個樣

呢個站個樣比較另類下。外觀好似個盒被斬開兩半噉。最頂嘅光棚同近地面嘅外牆分別有向下斜同凹入嘅樣,而且車站嘅出面都冇大隻字印住個站名響度。但係兩個站廳、月台同每層樓之間各有聯絡通道連埋一齊。

樓層 編輯

呢個站凈係得地上嘅兩層樓。其中地上一樓係站廳,而地上二樓係4號綫嘅月台。車站入面有兩個廁所響度[1],都喺嗮側站廳地面嘅免費區入面[註 1]。而休息室喺免費區嘅慶盛高鐵站入面。

地上
二樓
側站廳 售票機、客服中心、通道往返高鐵慶盛站
聯絡通道 側站廳同黃村嗰邊嘅月台之間嘅通道(收費區)
側式月台,開右邊門
2月台 4號綫列車去黃閣汽車城站(行南沙客運港嗰邊)
1月台 4號綫列車去東涌站(行黃村嗰邊)
側式月台,開右邊門
地面 側站廳 售票機、客服中心、通道往返高鐵慶盛站
聯絡通道 主站廳同側站廳之間嘅通道
主站廳 售票機、客服中心、扶梯及樓梯行金洲嗰邊嘅月台

站廳 編輯

呢個站有一主一側夾埋兩個站廳。其中主站廳喺地面,側站廳喺4號綫月台東邊。由於起緊嗰時要避開嗰條煤氣管而出現距離主站廳成十幾丈咁遠,但有兩條連廊將佢哋嘅主側兩個站廳連埋一齊。不過嗰兩條連廊其中一條係免費區通道,另一條係收費區通道。另外,喺側站廳通道入面重有通道直接同慶盛高鐵站連埋一齊。

 
慶盛站嘅側站廳(2樓,收費區)
 
慶盛站嘅側站廳(1樓,免費區)

月台 編輯

呢個站有兩個側式月台,喺京珠高速公路近慶沙路嘅東邊上空。

 
慶盛站嘅1月台
 
慶盛站嘅2月台

由於車站受到煤氣管道經過嘅影響而設計得好另類,所以出入都好麻煩。其中:

  • 行南沙客運港嗰邊:整咗扶梯、樓梯同主站廳連埋一齊。
  • 行黃村嗰邊:整咗連廊往返側站廳嘅2樓範圍。

若果搭地鐵搭錯方向到呢個站落車,想搭返轉頭方向嘅話,必須要噉做:

  • 南沙客運港→黃村:直接喺2樓嘅通道行返過去就得。
  • 黃村→南沙客運港:兜落去1樓搵聯絡通道行返過去,再上返2樓嘅月台先至得。

商舖同自助服務 編輯

呢個站入面冇任何便利舖同任何自助服務響度。

出入口 編輯

呢個站一共有4個出入口,分別係A、B同C,D。

冧巴 標記 方位 去到邊度
出入口A   慶沙路
(暫時搞緊煤氣管道改造,未開通)
出入口B   慶盛火車站
慶盛火車站
出入口C       慶沙路
慶沙路、慶盛火車站、地鐵慶盛高鐵站(南行)
出入口D     慶沙路
鳳凰大道、地鐵慶盛高鐵站(南行)
註:  有盲人引導徑 |   有輪椅升降臺 |   有斜道 |   出入口都喺同一層樓

頭尾班車信息同配線圖 編輯

配線圖

4號綫
東涌站

   
   
   
   
廣深港高鐵
   

黃閣汽車城站

行去邊頭 頭班車 尾班車
每日
4號綫
黃村站 06:08 22:57
南沙客運港站 06:00 23:55
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史 編輯

規劃 編輯

呢個站最先喺2003年嘅地鐵方案入面出現咗,話係4號綫嘅車站。雖然呢個站入咗4號綫嘅二期工程入面,但嗰時未搞高鐵而出現地鐵站同高鐵站名唔一樣嘅情況,後嚟高鐵方為咗照顧就近嘅地鐵站而改成噉嘅名。期間要等廣深港高速鐵路嘅規劃進度而決定起定唔起。

施工 編輯

廣深港高鐵喺2009年開工嗰時,地鐵站嘅施工進度亦冇聲氣,直到2013年4月嘅規劃落實之後先至喐手起[2][3]。工程一直好順利,喺2015年12月起好嗮兼通過營運驗收。本嚟原計劃喺2015年12月底開始營運[3],但係地鐵方話由於地鐵站嘅站廳同月台都喺條石油氣管兩邊正中間嘅上空隔籬,令消防驗收唔通過而冇得使[3][4][註 2]

2016年11月23號,南沙區人民政府確定咗要將喺地鐵站下邊嘅輸油管搬走[5],重透露咗喺2017年5月之前開通,但因為喺度搞緊消防設施檢測服務招標而將開通時間一拖再拖[6],拖到同年8月先至有轉機而確定輸油管要改綫。

2017年11月27號,南沙區人民政府卒之將呢個輸油管工程喐手,嚟方便喺高鐵站同地鐵站之間嘅轉車[7]

2017年12月13號,南沙區建設辦同南沙區人民政府再次聲明,呢個站將會喺同年月底同4號綫南延段一齊同步開通[8][9]。消息出街之後,雖然第二日晏晝,搜狐焦點提出獨家報道話冇可能同4號綫南延段一齊開通[10],但係同年平安夜廣州日報媒體打回頭,話佢有望下個禮拜開通[11]。隨後廣州地區各大媒體都關注咗慶盛站就嚟開通嘅事。

2017年12月22號,車站各出入口已經黐咗喺2017年12月28號開通嘅4號綫南延段營運時間表[11]。第二日正式通過消防驗收,佢連同4號綫南延段一齊喺2017年12月28號正式開始營運[8][12]

2017年12月26號晚黑,廣州地鐵嘅官方APP(iOS系統)已經第一時間更新4號綫南延段開通嘅消息,其中包括咗呢個站會第一時間開通[13]

開通 編輯

好多喺慶盛站附近等火車或喺嗰邊住啲街坊等到苦過Dee Dee嘅4號綫慶盛站喺幾時開通嘅問題,就喺2017年12月28號先至開畀人入去坐車[14]

利用狀況 編輯

慶盛站係廣州地鐵同廣深港高鐵嘅其一轉乘站。喺呢個站上落嘅都係過去轉搭廣深港高鐵去東莞虎門深圳福田區香港啲乘客、及周邊啲村莊為主。

喺地鐵站開通之前,嗰時搭高鐵到呢個站啲乘客因為睇到地鐵站冇得使嘅問題而落到地面幫襯五類車啲搭客仔去到東涌黃閣汽車城兩站是旦一個入去轉地鐵。搞到好多街坊都話超唔方便。喺嗰時,有唔少去完深圳福田、虎門旅遊返廣州市區啲乘客寧願幫襯廣州南地鐵站轉地鐵返去都唔揀呢個站上落。

2017年12月28號,由於呢個站正式開放,好多原先從廣州市區往返深圳福田、虎門旅遊去廣州市區啲乘客有時都揀呢個站上落;期間亦多咗番禺區東南邊同埋南沙區入面住啲人過去搭高鐵時,都揀呢個站上落。

接駁巴士 編輯

附近嘅建築同景區 編輯

註同攷 編輯

  1. 其中一間喺一樓,重有一間喺二樓。
  2. 因為喺地鐵慶盛站上邊係條高壓成品嘅石油氣管道,直徑有300mm,關係到廣州城區範圍啲石油供應。若果一出現冬瓜豆腐將會形成災難性後果。
  1. . 原著喺2012年4月20號歸檔. 喺2011年12月27號搵到.
  2. 广州地铁4号线庆盛站什么时候开通? 广州本地宝 (2013-03-07)
  3. 3.0 3.1 3.2 线. 新快网. 2013-03-07.{{cite news}}: CS1 maint: url-status (link)
  4. 好半年 地铁庆盛站迟迟不开通,竟是因为一条管道!. sina.com.cn. 原著喺2016-05-11歸檔. 喺2016-06-11搵到.
  5. 4号线庆盛站终于要开了 互聯網檔案館歸檔,歸檔日期2017年12月24號,. 中国广州南沙
  6. 铁官桥站"复活"了?庆盛站也传来了消息…. 广. 搜狐. 2017-06-10.
  7. 开建,庆盛站管道 互聯網檔案館歸檔,歸檔日期2017-12-14. 地鐵族 (2017-11-27)
  8. 8.0 8.1 4号线庆盛站终于要开了. . 中国·广州·南沙. 原著喺2017年12月24號歸檔. 喺2017年10月31號搵到.
  9. 线. . 陆良新闻网. 2017-12-14.{{cite news}}: CS1 maint: url-status (link)
  10. 家获悉:地铁4号线庆盛站今年底开通不了!. 广. 搜狐. 2017-12-14.
  11. 11.0 11.1 线线. 广. 东方头条. 2017-12-24.{{cite news}}: CS1 maint: url-status (link)
  12. 线. 原著喺2017年12月23號歸檔. 喺2017年12月27號搵到.
  13. 羊角官方app更新,庆盛已无“暂缓开通”[失咗效嘅鏈] 地铁族 (2017-12-26)
  14. 线. 原著喺2017年12月23號歸檔. 喺2017年12月31號搵到.

上一站·下一站 編輯

上一站⇚⇚    廣州地鐵    ⇛⇛下一站
黃閣汽車城站
南沙客運港站
慶盛站
4號綫
東涌站
黃村站