散文粵拼saan2 man4英文prose)最定義性嘅特徵係指一篇文字寫嘅作品寫到好似自然講嘢,例如廿世紀嘅中文書面語係想寫到似官話講嘢,粵文係想寫到似廣東話講嘢,英文係想寫到似英格蘭話講嘢[1]。散文相對於(寫到唔似自然講嘢嘅)韻文或者詩歌

散文喺主題同體裁上唔限,可抒情、記敘、論理,唔似得韻文或者詩歌噉講究音韻排比

概念對比 編輯

散文有異於劇本[2][3][4]:散文寫嚟係預咗直接畀讀者睇嘅;相比之下,劇本寫嚟係預咗畀製作人員(導演同眾演員呀噉)睇嘅,製作人員睇咗就會發揮佢哋自己嘅創意,製作出最終成品(一套電影、電視劇或者戲劇),件成品先會攞去畀觀眾睇;因為噉,劇本一般會寫到冇散文咁詳細,會畀動作指導聲設計等嘅人員有自由發揮嘅空間。

世界各地 編輯

而今全世界全部國家或者地區,只要係有文字嘅語言,都會產生廣義或者狹義嘅散文方式。廣義上邊嘅散文,用咗好多口語對話,全面運用向文學、報紙雜誌百科全書廣播電影、歷史研究、哲學法律同好多第啲形式嘅交流。

睇埋 編輯

參攷 編輯