星際打磚無極版
星际打磚無極版 | |
---|---|
Ricochet Infinity | |
類型 | 打磚 |
平台 | Microsoft Windows、iOS、Mac OS、PS3 |
整 | Reflexive Entertainment |
制作人 | 占士·C·史密夫 |
程序 | 占士·C·史密夫 |
系列 | 星际打磚系列 |
模式 | 單人、多人 |
發行日期 | Microsoft Windows 2007年7月31號 Apple iOS 2010年9月28號 PlayStation 3 2011年1月5號 |
分級 | |
顯示 | 800×600 分辨率 |
呢個遊戲喺2007年7月31號發佈咗PC版,喺2010年9月8號發佈咗iPhone版[2],2011年1月5號發佈咗PS3版[3]。雖然喺營運之後,遊戲屬下嘅官網(www.ricochetinfinity.com)都有同步開始營運,但係隨住Reflexive Entertainment喺2010年3月31號執笠,2014年俾亞馬遜公司屬下嘅遊戲產業工作室收購咗嘅關係,官網亦喺2017年12月7號正式閂檔走人[4]。
概況 編輯
呢種遊戲係由玩家控制部船,用部船嘅擋板嚟擋住個波唔跌出場外,要直到場上冚唪唥磚都爛嗮或冇嗮先至係過關。若果關卡半佬出現波跌出場外嘅,就要扣一條命。直到凈低命數<0。若果關卡半佬冇嗮命嘅就GAME OVER[5]。喺設定菜單入面有關卡編輯揀,專門用嚟畀玩家整關卡用[6]。
家下呢個遊戲嘅Other Galactic Advertures功能唔可以第一時間更新關卡,主要原因係星際打磚無極版嘅屬下官網已經執咗笠。喺官網未閂檔之前,Other Galactic Advertures功能係可以下載由全球各地第啲網友分享嘅關卡包[7],家下雖然凈得從第部電腦用USB或光碟複製過嚟或網上其它網站下載新嘅關卡包先至有得玩,但係關卡嘅網站出處幾乎係大海撈針。
呢個遊戲有Kid、Easy、Medium、Hard同Insane呢五個難度,每個難度方面:
難度 | 默認波速 | 其它特效 |
---|---|---|
Kid | 30 | 雖然屏幕底有護網,唔使擔心波跌出場外,但除部船俾導彈炸冧兼玩家提出破壞嗮冚唪唥嘅波之外。 |
Easy | 50 | |
Medium | 80 | |
Hard | 100 | |
Insane | 120 | 除非關卡有特殊情況之外,否則一開波之後都一定默認用細波。 |
喺PC屬下嘅Windows版同Mac OS版唔同嘅區分係,Mac OS版冇Other Galactic Advertures選項[8]。
道具同計分 編輯
道具 編輯
凈喺星際打磚失落世界(計埋再襲擊)版出現過 凈喺星際打磚終極版出現過 曾經喺星際打磚終極版同失落世界系列版同時出現過
道具類 | 官名 | 道具狀態 | 遊戲狀態 | 作用 | 效果疊加? | 註 |
---|---|---|---|---|---|---|
安全網 | Safety Bumper | 銀邊綠漸變橢圓,入面有兩條螢光綠嘅波浪線。 | 一條黃直線 | 唔畀波跌出場外一次 | 有 | 若果遇到穿牆波,唔理有冇呢個技能都冇用。若果遇到激光波或閃電波,佢俾啲指彈或閃電掂到,都會減少跌出場外一次嘅機會。 |
加一命 | Extra Ion Sphere | 綠底箭嘴,出面有綠底圓圈。 | 加一條命 | 加玩家一條命 | 有 | 命數冇上限 |
減速 | Slow | 銀邊黑橢圓,入面帶有逆時針轉兼喐得好慢嘅黃箭嘴。 | 波速慢過求先 | 波速=啱先速度-30 | 有 | |
加速 | Fast | 銀邊黑橢圓,入面帶有順時針轉兼喐得好快嘅紅箭嘴。 | 波速快過求先 | 波速=啱先速度+30 | 有 | 速度冇上限 |
激光炮 | Laser Blaster Gun | 銀邊綠漸變底橢圓,入面有手槍。 | 擋板船兩邊加咗細槍支 | 擋板船兩邊有手槍射擊 | 相同技能 | 1. 凈可以射爛嚿細磚一嚿。 2. 既唔可以一次直接射爛硬磚,又射唔爛超硬磚。 3. 槍數攞得越多,攻擊範圍越大。 |
重炮槍 | Meg-O Blaster Gun | 銀邊綠漸變橢圓,入面有炮彈槍。 | 擋板船兩邊加咗炮彈槍支 | 擋板船兩邊有炮彈槍支 | 相同技能 | 1. 可以射爛一般磚同硬磚。 2. 射唔穿超硬磚 3. 可以射爛大片範圍內嘅磚 4. 槍數攞得越多,攻擊範圍越大。 |
導炮槍 | Stinger Missile Launcher | 銀邊綠漸變橢圓,入面有長槍。 | 擋板船兩邊加咗長槍支 | 擋板船兩邊有長槍支 | 相同技能 | 1. 凈可以射爛嚿細磚一嚿。 2. 射唔爛硬磚同超硬磚 3. 指彈有追蹤要害效果 4. 槍數攞得越多,攻擊範圍越大。 |
強酸波 | Acid Ball | 銀邊圓圈,入面有綠底黑斑嘅波。 | 波變綠兼有綠光暈效果 | 波撞到是但邊嚿軟磚或硬磚時,磚識喺屏幕上消失,重喺撞到嚿磚一邊彈返轉頭。 | 冇 | 1. 可以撞得爛半佬喺屏幕邊飛出啲外星飛船。 2. 有酸腐蚀嘅動畫效果 |
火焰波 | Fire Ball | 銀邊圓圈,入面有黃底黑斑嘅波。 | 波變黃兼有黃流星效果 | 波撞到是但一大笪軟磚或硬磚時,磚識喺屏幕上消失,重喺撞到嚿磚一邊彈返轉頭。 | 冇 | 1. 可以撞得爛半佬喺屏幕邊飛出啲外星飛船。 2. 有些少爆炸嘅動畫效果 |
穿牆波 | Rail Ball | 銀邊圓圈,入面有藍底內發白光嘅波。 | 波變青白兼有青流星效果 | 波撞到是但一大笪軟磚或硬磚時,磚識喺屏幕上消失,波喺撞過嘅磚堆穿過。 | 冇 | 1. 可以撞得爛半佬喺屏幕邊飛出啲外星飛船。 2. 有些少爆炸嘅動畫效果 3. 即使係有安全網都擋唔住 |
激光波 | Laser Ball | 銀邊綠漸變橢圓,入面有紫銀波,出面有好多冇規律嘅紫直線。 | 波變紫邊銀底,波邊重識射激光出嚟。 | 除非個波跌出場外,否則唔理波去到邊度,都有隨機飛出啲激光炮射到啲磚上邊。 | 相同技能 | 1. 可以撞或射得爛半佬喺屏幕邊飛出啲外星飛船。 2. 有爆裂嘅動畫效果 3. 射出嚟啲激光,即使有安全網都無能為力。 |
閃電波 | Lightning Ball | 銀邊圓圈,入面有熒光綠嘅發光波。 | 波變熒光綠兼有閃電嘅電流效果 | 波行到就快到軟磚或硬磚時,喺波周邊啲磚識喺屏幕上消失,重喺撞到嚿磚一邊彈返轉頭。 | 相同技能 | 1. 可以撞或射得爛半佬喺屏幕邊飛出啲外星飛船。 2. 有爆裂嘅動畫效果 3. 射出嚟啲閃電,即使有安全網都無能為力。 |
細波 | Small Ball | 銀邊圓圈,入面有縮細動作效果嘅紅波。 | 波嘅體積細過原先個樣 | 缩細個波嘅體積 | 返唔轉頭 | 1. 可以撞得爛半佬喺屏幕邊飛出啲外星飛船。 2. 雖然可以撞得爛啲硬磚,但普通波時撞爛硬磚嘅次數要加倍。 3. 個波比較細,有近視嘅麻煩戴返眼鏡睇清楚。 |
電磁砲 | EMP Bomb | 銀邊綠漸變橢圓,入面有三隻細嘅黃正三角形組成個大正三角形樣。 | 波周邊多咗6個識眨嘅黃細三角形,組成正六邊形圖案。 | 波行到就快到軟磚或硬磚時,撳鼠標左掣,識喺波周邊整出引爆效果。 | 限整波臺 可以重設 |
1. 引爆效果可以炸爛軟磚或硬磚。 2. 可以撞或炸得爛半佬喺屏幕邊飛出啲外星飛船。 3. 有些少爆炸嘅動畫效果 4. 組成正十二邊形效果方面,雖然可以同「整波臺」嘅技能疊加,但唔可以同「花霧」技能疊加。 |
整波臺 | Ball Generator | 銀邊綠漸變橢圓,入面有六隻細嘅灰正六邊形組成個大正六邊形樣。 | 波周邊多咗6個暗黑,有凹凸紋效果嘅細六邊形,組成正六邊形圖案。 | 波撞爛軟磚或硬磚時,會有隻細波從屏幕上邊跌落嚟。 | 限電磁砲或花霧 | 1. 撞爛半佬喺屏幕邊飛入嘅外星飛船,一樣有隻細波喺屏幕上邊跌落。 2. 可以同「電磁砲」或「花霧」嘅技能疊加組成正十二邊形效果,但凈限一個。 3. 若果喺屏幕上邊跌落嚟細波掂到擋板船是但邊個部位,細波識變成預設波重按原本速度繼續喐。 |
花霧 | Blossom | 銀邊黑橢圓,入面有六隻藍白嘅細,帶曲線樣組成嘅花形。 | 波周邊多咗6個藍白兼有發光,形成六條曲線組成嘅細正六邊形圖案。 | 波行到是但邊個位時,撳鼠標左掣,識喺波周邊飛出一堆藍白子彈效果。 | 限整波臺 可以重設 |
1. 子彈效果可以射爛軟磚。 2. 可以撞或射得爛半佬喺屏幕邊飛出啲外星飛船。 3. 有些少爆裂嘅動畫效果 4. 組成正十二邊形效果方面,雖然可以同「整波臺」嘅技能疊加,但唔可以同「電磁砲」技能疊加。 |
縮短擋板 | Shield Shrinker | 純銀橢圓,入面有兩個識眨且相對方向嘅紅等腰三角形,動作效果係向埋邊喐。 | 擋板船嘅擋板長度比原先效果縮短咗 | 縮短擋板船嘅擋板長度 | 有 | 最短去到Lv. -2嘅超短擋板 |
延長擋板 | Shield Expander | 純銀橢圓,入面有兩個識眨且相斥方向嘅藍等腰三角形,動作效果係向開邊喐。 | 擋板船嘅擋板長度比原先效果延長咗 | 延長擋板船嘅擋板長度 | 有 | 最長去到Lv. 2嘅超長擋板 |
一分為三 | 3 Way Ball Split | 藍邊圓圈,入面有“3”字,圓圈周邊有3隻藍波轉緊。 | 場上波數1變3,以直線或放射線形式出現。若果場上本身有≥2隻波,噉波數每次加多2隻。 | 場上波數=在場波數+2 | 有 | |
一分為八 | 3 Way Ball Split | 藍邊圓圈,入面有“8”字,圓圈周邊有8隻藍波轉緊。 | 場上波數1變8,以放射線形式出現。若果場上本身有≥2隻波,噉波數每次加多7隻。 | 場上波數=在場波數+7 | 有 | |
重設部船 | Normal Ship | 銀邊銀橢圓,入面有識眨嘅紅燈船。 | 擋板船嘅效果還原到預設狀態 | 唔理部船拎咗幾多效果,一但拎咗呢樣,擋板船嘅效果即刻還原到最初冇狀態嘅樣。 | 冇 | |
默認波 | Normal Ball | 銀邊銀橢圓,入面有隻灰波。 | 場上冚唪唥嘅波,效果還原到預設狀態。 | 唔理有幾多隻波拎咗幾多烏哩單刀嘅效果,一但拎咗呢樣,冚唪唥嘅波用緊嘅效果即刻還原到最初冇狀態嘅樣。 | 冇 | 即使對一關入面,拎咗「細波」技能疊加效果嘅波同樣都有效。 |
探頭 | Probe | 銀邊黑橢圓,入面有個紫白相間嘅曲線,有順時針旋轉嘅動畫效果。 | 擋板船發出紫白相間嘅光,波同時有紫白相間嘅尾。 | 喺擋板船發出紫白相間嘅光時,若果個波喐到邊,一撳鼠標左掣,即可整爛喺波到船之間嘅直線範圍內冚唪唥嘅磚。 | 可以重設 | |
引導激光 | Sight Laser | 銀邊黑橢圓,入面有綠白漸變效果嘅折線。 | 屏幕有出息根據波嘅運動方向定義出波行緊嘅路線,音頻重識響[zjːu]一聲。 | 畀玩家提前預知波係點行 | 冇 | 唔理場上有幾多隻波都好,最多凈出一條。 |
鐳射光束 | Nuclear Beam | 銀邊綠漸變橢圓,入面有個電離輻射嘅撈稿。 | 擋板船發出黃光束 | 若果擋板船發出黃光束,再撳多次鼠標左掣會破壞喺擋板所在地嘅y軸除超硬磚外嘅冚唪唥磚。 | 冇 | |
接波臺 | Ball Catcher | 銀邊黑橢圓,入面有電流效果嘅相。 | 擋板船上有電流效果 | 波每次返到擋板船上會黐喺船上唔喐,直到用戶發波為止。 | 冇 | 最多凈限黐一隻波。若果場上有第二隻波返到擋板船上,個波唔會黐喺船上唔喐。 |
凍結令 | Freeze | 銀邊紅漸變橢圓,入面有冰藍方塊。 | 令擋板船喐唔到,直到船隻帶有冰藍大方塊碎咗爲止。 | 擋板船喺4秒內喐唔到 | 有 | 1. 技能疊加冇上限,越多就越耐。 2. 擋板船若果喺拎咗呢個技能之後,至少連續4秒內都冇辦法喐。 |
輔助臺 | Ship Helper | 銀邊綠漸變橢圓,擋板船兩邊都有檸檬黃嘅粗橫線。 | 擋板船兩邊加咗條檸檬黃嘅粗橫線。 | 若果個球掂到檸檬黃粗橫線時,波識反彈,唔會跌到屏幕出面。 | 冇 | |
技能生成 | Ship Specialty | 銀邊藍青漸變橢圓,入面有黃星嘅擋板船。 | 展現出擋板船嘅特殊技能效果 | 令玩緊嘅擋板船出現所屬技能特效 | 五十五十 | 由於每個擋板船都有唔同技能,所以生成效果都唔同。 |
導彈 | Bomb | 導彈從上邊跌到落屏幕底 | 識整爆擋板船。不過啲波唔會消失,直到場上出現以下情況其一爲止: 1. 冚唪唥波跌嗮出屏幕。 2. 冚唪唥磚撞爛嗮。 |
識整爆指定玩家部船 | 返唔轉頭 | 1. 若果波掂到導彈,都會攞到少量積分。 2. 擋板船爆咗之後,冚唪唥嘅波唔會即刻喺場上消失。 3. 雖然可以通過玩家撳鼠標左掣嚟整爛嗮啲波重新嚟過,但會扣一條命,扣到GAME OVER為止。 |
計分 編輯
呢個遊戲有計分方式,其中:
事件 | 積分 |
---|---|
撞爛硬磚 | 每嚿100 |
擋板船俾導彈炸冧之後一樣都過關嘅 | 1000積分 |
攞咗凍結令後連續4秒內堅持到冚唪唥波唔跌嗮出場外 | 1000積分 |
過關後,每隻波嘅積分。 | 默認波:每隻500 技能×1:每隻1000 技能×2:每隻1500 技能×3:每隻2000 技能×4:每隻2500 技能×5[註 1]:每隻3000 |
過關後,場上有嘅安全網數。 | 每隻500 |
關卡半佬整爛一部外星飛船[註 2] | 每隻1250 |
過關之後嘅附加難度得分 | 以下難度先有: Medium(10%) Hard(20%) Insane(30%) |
註同攷 編輯
- 註
- 攷
- ↑ "Reflexive Entertainment Announces Ricochet Infinity". jkdmedia. GAME ZONE. 2012-05-04.
- ↑ Ricochet Infinity on the App Store on iTunes Reflexive Entertainment
- ↑ Ricochet HD PlayStation
- ↑ Is Ricochet Infinity Dead? Big Fish Games Forum
- ↑ "Ricochet Infinity game Play Ricochet Infinity at RicochetInfinity.com". 原著喺2015年9月24號歸檔. 喺2019年5月7號搵到.
- ↑ Ricochet Games Giant Bomb
- ↑ YouTube上面嘅gqBTfr0cpas劇集
- ↑ Mac users missing Other Galactic Adventures download levels gateway Big Fish Games Forum