暴雨紅蓮

《暴雨紅蓮》係喺1962年嘅一部粵語片，由李鐵執導，丁瑩、張儀主演。

情節編輯

顏潔蓮喺阿媽死後，走去茶樓做「點心妹」還債。程光遠跟同事包懷德見到潔蓮被債主調戲，光遠為潔蓮解圍，二人共墮愛河。潔蓮嫁俾光遠之後，生咗個仔小遠，生活幸福，令暗戀光遠嘅花月蓉妒忌。

懷德喺月蓉老豆間公司虧空咗公款，為求月蓉包庇，佢獻計陷害潔蓮；潔蓮被逐出家門，走去跳海，好彩被人救起。

月蓉同光遠結婚，刻薄小遠。小遠被車撞傷入院，任職護士嘅潔蓮無意中知道小遠係自己個仔，於是就暗中照顧。

懷德持刀同月蓉借錢不遂，兩敗俱傷，二人臨死前講出真相。光遠一家人於是去搵潔蓮，潔蓮為咗小遠終於答應回家。