林彬
(由林彬事件跳轉過嚟)
林彬(1930年—1967年8月24號),原名林少波,係1960年代商業電台每日時事節目壓陣嘅時事評論家,喺六七暴動期間嘅8月24號朝早,佢揸車載埋堂細佬林光海一齊返商台途中,俾扮成修路工人嘅左派份子截停,哩假扮成修路工人嘅兇徒再將汽油彈掟入林彬架車裡面,林彬同堂細佬全身著火後逃出車外,但哩啲左派兇徒繼續喺佢身上撥電油,林彬同堂細佬林光海都被燒到全身焦黑,先後喺8月25號同30號喺伊利沙伯醫院逝世。哩單兇案嘅左派兇徒嘅殺人手法相當兇殘,震驚咗整個香港社會,香港市民都好悲憤,加上幾日前嘅8月20號左派暴徒放炸彈喺北角清華街炸死咗兩個親姐弟細路哥,香港人更加支持香港政府嚴厲對付左派恐怖份子[2]。
林彬 | |
---|---|
出世 | 中華民國廣東省廣州市 | 1929年9月24號
死 | 1967年8月25號 英屬香港九龍京士柏伊利沙伯醫院[1] | (37歲)
職業 | 香港商業電台播音員 |
林彬喺廣州出世,後生嗰時移居香港,佢做過香港粵語片演員,嚮楚原導演嘅《大丈夫日記》入面,飾演巫日明,故事講佢係男主角張英才嘅老友。同場演出嘅重有南紅、李香琴、羅蘭同黎雯 [3]。
電影作品 編輯
- 演員
參考 編輯
- ↑ 〈回到1967大撕裂的時代〉. 《明周文化》. 2017-02-02. 原先內容歸檔喺2021-02-03. 喺2019-07-29搵到.
- ↑ 〈左派拍片圖為暴行翻案〉. 《蘋果日報》. 果靈聞庫. 2015-09-16. 原先內容歸檔喺2021-08-30. 喺2023-06-28搵到.
- ↑ Youtube: 粵語片《大丈夫日記》 ~ 林彬 (1964)