楊宗緯

台灣男歌手

楊宗緯粵拼joeng4 zung1 wai5英文Aska Yang1978年4月4號—),係臺灣華語流行音樂歌手桃園市中壢區人。2007年參加首屆《超級星光大道》歌唱選秀節目,以獨特唱腔同強烈渲染力嘅催淚歌聲撼動人心,重獲選做首屆「人氣王」。2008年出首張個人專輯《鴿子》,之後經歷合約問題,抖咗3年重新出發。

楊宗緯
男歌手
羅馬拼音Yang Tsung-wei
英文名Aska Yang
花名洋蔥緯、星光一哥、鴿王、苦情王子、催淚歌神
國籍中華民國 中華民國
出世 (1978-04-04) 1978年4月4號(45歲)
臺灣 臺灣桃園縣中壢市(今桃園市中壢區
職業歌手作詞人
語言國語閩南語、少少粵語英語
教育程度國防大學法律系肄業
台灣大學法律系夜間部肄業
彰化師大輔導與諮商學系學士
國立體大體育研究所運動心理組碩士(休學緊)
音樂類華語流行音樂
出道作品《因爲我相信》(星光幫合唱)
翻唱《人質》、翻唱《背叛》
代表作品《鴿子》《洋蔥》《讓》《對愛渴望》《懷珠》《那個男人》《其實都沒有》《忘了我》《一次就好》《涼涼》
活躍年代2007年-而家
唱片公司華研音樂 2007年
華納音樂(2007年11月-2009年10月)
天浩盛世(2013年8月-2014年7月)
環球音樂(2011年7月-2013年7月,2015年9月-依家)
經紀公司特許國際(2007年11月-2009年11月)
天熹娛樂(2010年6月-2012年6月)
天浩盛世(2013年8月-2014年7月)
依家 無
相關團體星光幫

2011年加盟環球音樂,受到流行音樂教父李宗盛賞識,等咗16年再度擔綱唱片製作人,為佢打造《原色》專輯。2012年3月30號至6月1號,參加由湖南衛視直播嘅大型公益慈善節目《天聲一隊》,幫山區學童籌募校車。

2013年1月,加盟湖南衛視《我是歌手》第一季、為首位補位歌手,喺第二輪遭到淘汰,之後喺復活賽演唱《流浪記》同《饞》復活,喺4月12號總決賽未能晉級為「終極歌王候選人」。之後出嘅第3張專輯《初.愛》。出道到依家無論係歌唱實力同音樂品質都有高度評價,係華語流行樂壇深受矚目嘅實力派歌手。2014年3月2號 ,經歷咗近3個月嘅角逐,終於攞咗深圳衛視《金鐘獎-中國音超》「音超歌王」同「男子組金獎」 2個重量級獎項,打破港臺歌手喺中國奪冠嘅先河。同年8月26號,攞咗2014香港新城國語力頒獎禮包括「全國最受歡迎歌手」同「全球最受歡迎男歌手」在內4項大獎。

經歷 編輯

早年經歷:1978年-2006年 編輯

楊宗緯出身公務員家庭,有一個家姐一個細佬,家境小康。父母期望佢擔任公職,以學業做優先。未曾受過正統音樂敎育嘅佢,學生時代成日守住收音機收聽廣播,錄下廣播哼唱自娛,或逐字抄寫歌詞,養成對詞曲嘅高度敏銳度。憑住天生嘅樂感同後天嘅努力練習,自學練就歌唱才華,但從來冇考慮過做歌手爲職業[1]

喺求學時期,楊宗緯各科成績多能保持在中上水準,成日做班長,曾多次代表學校參加演講比賽。此外,佢喺田徑項目都好叻,體能同肺活量驚人。自小就係游泳校隊嘅佢,大學時期喺一年入面攞咗游泳教練同救生員2項證照,曾喺游泳池打工做救生員。

佢曾經就讀過3間大學——國防大學法律系,台大法律系夜間部、彰化師大輔導與諮商學系,期間服過兵役,求學歷程較其他人曲折漫長。就讀中壢高中時首次參加校內歌唱比賽,上台就忘詞破音,令佢對比賽好驚。直到進入彰師大,佢先再次開始頻繁參加校內外歌唱比賽,報名十幾次大小歌唱競賽,成績唔係亞軍就係冠軍,喺中部賽圈小有名氣,但因外型唔好冇獲得過唱片公司睇好。大四嘅佢開始輔導實習同準備考取教師執照,[2]就喺一次翹課中途經過台中《超級星光大道》嘅海選會場,臨時決意報名,意外行咗星光演藝之路[3]

參賽《超級星光大道》:2007年 編輯

佢喺2007年參加中視歌唱選秀節目《超級星光大道》首屆比賽。歌聲陽剛而細膩,獨特辨識度嘅聲線飽含感情,打動聽眾,演唱風格以抒情歌曲見長,選曲跨越性別界線,無論係男女歌手嘅抒情歌曲,經過佢重新詮釋之後,都係作品打上強烈個人烙印;節目主持人陶晶瑩封佢做催淚歌神」。喺節目爆紅後屢創各項紀錄,超高人氣喺當時令搜索引擎同相關網站嘅點閱率居高不下。從2007年5月30號至7月2號,連續34日蘋果日報都有佢嘅報導,創下有史以嚟連續上蘋果日報最耐嘅藝人紀錄。TVBS形容佢嘅爆紅只用咗77日[4]世新大學新聞系教授彭懷恩主編嘅「台灣名人百科2007-2008」,佢被編列2007年度嘅台灣名人[5]。佢都獲選做Yahoo!奇摩2007年度十大新聞人物第2名[6]蘋果日報2007年度十大風雲人物第1名[7]新浪網2007年度5大新人之一[8],同Google2007年度熱門關鍵字排行榜嘅名人榜第1名[9]

原本最被睇好贏得冠軍,因隱瞞真實年齡參賽,爆發謊報年齡事件引起社會廣大輿論關注,佢喺節目入面道歉退賽以示負責,同接受台北地檢署畀嘅緩起訴處分60小時嘅勞役。即使退出比賽,佢因為唔確定可以獲得比賽主辦單位華研唱片簽約發片,所以經過好友牽線,同中聯集團「空董」張忠信設局牽線下同經紀人許安進簽約,但之後華研願意提供唱片合約,令佢進退兩難,之後引發合約糾紛。後來經過婦女救援基金嘅介入協調,合約糾紛先完。

 
第一場預購握手會

2007年底,佢嘅超人氣令佢獲得很多跨年晚會同尾牙秀嘅演出邀約,12月31號喺臺北TVBS-G嘅跨年晚會,同桃園嘅中視跨年晚會表演,同演唱即將發表嘅個人專輯入面嘅3首新歌[10]。佢以新人之姿,喺2008年元旦凌晨1點30分喺桃園展開70分鐘嘅預購握手會,喺時間同地點都唔好,氣溫只有攝氏7、8度嘅狀況下,重有約超出2500嘅歌迷出席[11]

出道同合約糾紛:2008年-2010年 編輯

佢喺2008年1月發行首張個人專輯《鴿子》,取得2008年上半年唱片銷售冠軍嘅佳績[12],同埋創下新人最快喺台北小巨蛋開個人售票演唱會嘅紀錄[13]

2008年5月17嘅,佢喺台北小巨蛋舉辦首次個人售票演唱會「星空傳奇2008」,創下發行首張個人專輯4個月後,就喺台北小巨蛋舉辦售票演唱會嘅台灣歌壇紀錄[13],一萬幾個歌迷支持。演唱會DVD同2CD喺2008年8月15號出。

2008年7月之後,佢同經紀人許安進發生第2次合約糾紛,開始漫長2年嘅合約官司,演藝事業停滯。即使係咁,由於現場演唱實力高強,重不斷受到大型頒獎典禮邀約表演。2008年7月5號,獲邀做第19屆金曲獎擔任表演嘉賓,同林宥嘉接力演唱組曲,向多位已逝歌手致敬[14]。10月31號獲邀做第43屆金鐘獎擔任表演嘉賓,演唱經典電視連續劇主題曲。2009年11月28號,獲邀做第46屆金馬獎擔任表演嘉賓,演唱經典電影主題曲,完成金曲、金鐘、金馬「3金」全紀錄演出[15]。12月19號,應邀至亞太影展做表演嘉賓,再次演唱經典電影主題曲組曲,喺Ear monitor斷訊嘅情況下,重圓滿完成表演[16],成為首位喺2年之內包辦三金一亞大滿貫[17]嘅「典禮御用歌手」[18]

喺合約潛沉其間,佢考取國立台灣體育大學運動研究所繼續深造,主攻運動心理學[19]。2010年1月,合約官司終於完咗[20]

重新出發:2010年-2012年 編輯

2010年6月3號,佢確定將新經紀約簽給葛福鴻,執行經紀人係江一朋[21],同邀請資深音樂製作人李宗盛幫楊宗緯打造新專輯,李宗盛被叫做華語音樂教父,已經十幾年未曾幫其他人製作專輯,佢以一封親筆簽名嘅推薦函[22]解釋佢之所以同意幫楊宗緯製作新專輯,主要理由係佢好欣賞佢嘅歌聲,同埋認為佢好唱得、好有可塑性[23]。原先預定年底出輯,由於李宗盛對品質要求甚高,錄音進度緩慢,新專輯延至2011年8月先出[24],以下節錄一小段李宗盛喺Style Master雜誌2011年2月號嘅專訪入面,關於佢幫楊宗緯製作專輯嘅一啲心得感想:

我現在正在製作楊宗緯的專輯,當很多人知道我幫楊宗緯製作專輯時都露出不可思議的神情,畢竟之前可能有些風風雨雨,但對我而言,我看到是楊宗緯的潛力與可塑性,在我與他相處過後,我只能說他是個很誠懇的年輕人,很謙遜也有很多想法,請期待他的專輯吧,肯定會讓各位看見完全不同於印象中的楊宗緯。

2011年7月15號,環球唱片幫楊宗緯舉辦盛大嘅加盟記者會,除咗承諾會投入上億嘅宣傳資金外[25],環球唱片總經理重送畀楊宗緯「環球三哥」嘅稱號[26],緣由係音樂教父李宗盛曾講佢心目中最欣賞嘅男歌手有3位,分別係張學友陳奕迅同楊宗緯,呢3位都係環球唱片嘅歌手,就輩份嚟講楊宗緯排行第3,所以封佢做「三哥」[27]。新專輯叫做《原色》,喺2011年8月26號出咗,首隻主打歌《懷珠》喺7月25號首播。6月22號都發表單曲《那個男人》做新專輯熱身,由馬玉芬製作,楊宗緯改編填詞、翻唱,呢個係韓劇秘密花園嘅中文版主題曲,一齊收錄喺新專輯入面。同恩師加大哥李宗盛嘅呢次合作,佢自己評價話,係一次「從地獄苦情到洗盡鉛華的蛻變」。[28]

2012年3月30號至6月1號,佢參加中國湖南衛視大型慈善綜藝音樂節目《天聲一隊》共10期,公益募捐善款係用於捐助學校或校車,佢喺每期節目演唱多首各種風格嘅出名歌,表現亮眼,由此開始逐漸累積中國粉絲嘅人氣。

跨足兩岸:2013年-2014年 編輯

2013年1月,加盟湖南衛視《我是歌手》第一季,為首位補位歌手,喺第二輪遭到淘汰,之後喺復活賽演唱《流浪記》同《饞》復活,喺4月12號總決賽未能晉級為「終極歌王候選人」。第4期節目演唱王菲嘅作品《矜持》,獲得眾多網友同專業人士肯定,原唱王菲都發微博稱贊[29]。第5期節目演唱那英嘅作品《征服》,詞曲原作袁惟仁特地到場助陣。第5期返場表演演唱蔡健雅冷門歌曲《空白格》,詞曲簡單卻極具感染力嘅驚艷表演讓觀眾好有共鳴,受到廣大網民熱烈討論喜愛,成為呢季《我是歌手》傳唱度最高嘅歌之一。

喺復活賽演唱原住民歌手巴奈·庫穗嘅《流浪記》,催淚歌喉令台下觀眾為之動容,紛紛落淚,台下觀戰辛曉琪都淚流滿面;第二輪演唱李宗盛幫佢打造嘅專輯作品《饞》,輕快活潑嘅爵士曲風,搭配舞蹈突破以往形象,獲得觀眾青睞。

喺半決賽演唱潘越雲嘅經典《最愛》,情意繾綣浸染人心;音樂製作人包胡爾查形容「在我眼前呈現呈現的就是一幅沙畫,細膩、流淌,極具有美感」。喺總決賽第1輪同李泉合唱《我要我們在一起》,火花四射,第2輪出人意外咁演唱一首安靜嘅《我離開我自己》,佢真假音轉換自如,以優美嘅音色演繹呢首難唱嘅冷門慢歌顯得意味悠遠。

2013年師徒2人第2次合作,第3張專輯《初.愛》喺2013年3月出[30]

2013年8月,佢出自己作詞嘅單曲《歌未央》,精心製作嘅歌曲同MV、微電影係為記錄台灣嘅美好,佢被台旅會、淘寶網同台灣觀光局合作邀請做「最台灣」旅遊形象嘅推廣大使,首次幫自己家鄉代言嘅佢頗為榮耀咁表示:「絕不會收取任何形式的代言酬勞!」,努力嘅幫兩岸觀光旅遊出力,微電影一放上淘寶、優酷、土豆等平台宣傳,嗰日嘅點擊率就超過百萬,短短半年透過淘寶旅行購買台灣自由行嘅旅客就將近6萬人[31]

2013年底至2014年初,佢參加深圳衛視歌唱比賽節目《中國音超》,8大唱片公司聯隊對陣,8個隊,每個隊7個人,共56人。評審都係中國最頂尖嘅資深專業音樂人,經歷咗近3個月嘅角逐,佢共演唱《月光媽媽》、《夢醒了》、《底細》、《喜歡你現在的樣子》、《浮生千山路》、《十二樓》同《True Colors》等7首歌,都獲得嗰期比賽最高分,最終攞咗《金鐘獎中國音超》 「音超歌王」 同埋 「男子組金獎」,打破港臺歌手難以喺中國選秀節目奪冠嘅魔咒,係首位喺中國歌唱比賽節目奪冠嘅台灣歌手[32]

2014年2月,佢幫文壇大師白先勇喺台灣嘅舞台劇《孽子》演唱主題曲《蓮花落》[33]。林夕作詞加上陳小霞作曲,頗幾有歌劇嘅味道,所謂研悲情為金粉,白先勇欽點佢唱呢首《蓮花落》,直講佢嘅嗓子揪心、揪心、揪心,首演嗰日,佢喺舞台上的深情演唱,如泣如訴,蒼涼哀怨,極富感染力,令唔少觀眾聞之淒然淚下[34]。喺2014年4月11號嘅雙年巔峰會,演唱《底細》,令人再次睇到佢作為一名歌者嘅深不見底,都係嗰晚節目一大高潮。

事業重心轉往中國:2015年-依家 編輯

2015年1月1號湖南衛視跨年演唱會零點過後,佢壓軸登台獻唱《匆匆那年》,成為億萬中國人2015年第一首歌,演繹出同原唱王菲完全唔一樣嘅感懷,喺辭舊迎新之際,呢份懷舊感迅速席捲微博引發無數人評論,各大視頻網站都第一時間出現相關搜索[35]

2015年3月13號,參加中國好歌曲第二季第12期,擔任學員裸兒嘅幫唱嘉賓,合唱《會飛的野馬》,細膩嘅唱功令導師劉歡羽泉讚賞。4月3號,佢獲邀喺2015年巔峰會演唱《長鏡頭》,係繼《空白格》、《流浪記》後另一一夜爆紅嘅代言[36]。8月16號,以「普羅米修斯」身分加盟江蘇衛視節目《蒙面歌王》,演唱咗4首風格迥異同相當冷門的歌曲《看穿》、《跟著你到天邊》、《紅塵來去一場夢》同《但是又何奈》,改編後嘅楊式版本完全唔同於原唱,細膩嘅唱功同濃厚嘅情感令場內猜評團巫啟賢陳學冬戴軍、場外猜評團那英汪峰同蒙面歌王追著光影跑嘅蘿拉梁詠琪、絕代歌姬李玉剛讚賞。10月25號,參加湘江音樂節,演唱《因為單身的緣故》、《我變了我沒變》、《回憶沙漠》、《鴿子》、《空白格》。11月13號,榮獲《芭莎男士》品位成功年度人物頒獎盛典「年度音樂人」獎項。12月12號起,佢首次《帶一首詩來》世界巡迴演唱會,首站正式喺上海梅賽德斯-奔馳文化中心開唱,呢個巡迴演唱經歷北京(2015年12月)、廣州(2016年1月)、福州(2016年1月)、杭州(2016年4月)等中國大陸各地城市舉辦。12月31號,湖南衛視跨年演唱會跨越零點-楊宗緯獻唱當年度叫好又叫座的電影《夏洛特煩惱》最暖心插曲《一次就好》。

2016年1月,網路平台龍珠音樂直播現場,佢挑戰佢修音LIVE演唱《一次就好》、《初愛》、《其實都沒有》、《底細》同《空白格》。4月,參加江蘇衛視大型推理神秘音樂秀《看見你的聲音》,係第3期嘅嘉賓。5月,參加湖南衛視大型互動音樂綜藝節目《我想和你唱》,擔任3期嘅嘉賓,同觀眾票選嘅素人合唱《空白格》同《一次就好》。7月,參加浙江衛視挑戰者聯盟》第二季,擔任第12期嘉賓,演唱《因為單身的緣故》,同華晨宇李晨合唱《笨小孩》同大合唱《給所有知道我名字的人》。8月,參加江蘇衛視說出我世界》第一季第9期,演講題目《謝謝你的陪伴,我的鴿子》。9月15號,參加中央電視台中秋晚會》,演唱《一次就好》。9月23號,參加湖南衛視娛樂綜藝節目《天天向上》,演唱《鬼迷心竅》、《影子情人》、《嘻唰唰》段落、《傲慢與偏見》段落、《夢醒時分》段落、《一場遊戲一場夢》段落、《刀劍如夢》段落同《野百合也有春天》段落。

10月22號,舉辦個人第2次巡迴演唱會《聲聲聲聲》,場次全賣光,唱咗致敬前輩嘅歌曲外,同首次分享新歌 《讀白》、《多暗的天空》、《I think of what we have done before》 呢次巡迴有北京(2016年10月22號)深圳(2016年11月12號)、上海(2016年11月26號)、南京(2016年12月3號)等中國大陸各地城市舉辦。10月23號,參加鄭州花妖遊戲動漫音樂節,演唱《因為單身的緣故》、《我變了我沒變》、《回憶沙漠》、《一次就好》同《空白格》。11月,參加東方衛視天籟之戰》第一季第7期演唱上海彩虹室內合唱團2016年爆紅神曲《張士超妳到底把我家鑰匙放哪裏了》,同埋第8期演唱1991年流行歌曲《大雨》。12月31號,參加浙江衛視跨年晚會演唱《空白格》同《一次就好》。

2017年4月15號,為湖南衛視歌手2017》總決賽張碧晨嘅幫唱嘉賓,演唱《涼涼》同獲得第6名。

歌迷關係 編輯

楊宗緯被媒體喻為「鴿王」,佢嘅歌迷就被叫做「鴿子」,佢曾引用詩人-辛鬱老師嘅新詩自喻做「銅像」,同埋把歌迷比喻成逗留喺銅像身邊嘅「鴿子」-「銅像總有一天會被推倒或熔化,當那一天來臨,最值得銅像留戀的,不是他曾經代表過什麼功勳偉績,而是那些曾在他身畔咕咕呢喃的鴿子們。」2大後援會分別係唯愛宗緯-國際鴿窩鴿聚院-楊宗緯國際後援會,從此以後,佢嘅歌迷自稱做「鴿子」,同埋暱稱佢做「鴿王」。佢嘅首張個人專輯以「鴿子」命名,就係為咗答謝忠實歌迷嘅堅定支持[37]。佢喺新浪微博曾經使用過嘅一個花名「楊草地」都係同一個典故嘅延伸[38]

代表作品 編輯

專輯 編輯

依序 發行日期 發行公司 專輯名 專輯曲目 備註
1 2008年1月11號(初版)
2008年2月29號(改版)
華納唱片 鴿子
Dove
  • G-music 華語專輯排行榜連續在榜40週,9週冠軍,年度第4名
  • 五大金榜 華語暢銷排行榜,2週冠軍,年度第6名
  • ezPeer+ 排行榜,專輯16週冠軍,《洋蔥》年度單曲第1名,年度專輯第1名
2 2008年8月15號 華納唱片 Star! Start!星空傳奇Live Concert
(2CD+DVD)
收錄30首星空傳奇演唱會歌曲
  • G-music 影音排行榜連續在榜15週,3週冠軍,年度第2名
  • G-music 華語專輯排行榜連續在榜19週,1週冠軍,年度第20名
  • 五大金榜 影音暢銷排行榜連續在榜8週,2週冠軍,年度第5名
  • 五大金榜 華語暢銷排行榜連續在榜8週,1週冠軍,年度第10名
  • ezPeer+ 排行榜,《給未來的自己》年度單曲第3名
3 2011年8月26號(初版)
2011年10月8號(改版)
環球唱片 原色》Pure
  • G-music 華語專輯排行榜連續在榜16週,2週冠軍,年度第3名
  • 五大金榜 華語暢銷排行榜連續在榜16週,3週冠軍,年度第7名
4 2013年3月29號(初版)
2013-05-10(改版)
環球唱片 初.愛》First LOVE
  • G-music 華語專輯排行榜連續在榜10週,4週冠軍,年度第3名
  • 五大金榜 華語暢銷排行榜連續在榜10週,2週冠軍,年度第9名
  • 佳佳唱片 華語音樂排行榜連續在榜10週,1週冠軍

單曲 編輯

依序 發行日期 發行公司 歌名 詞曲 備註
1 2008年5月8號 《Fly》 詞:阿弟仔
曲:阿弟仔
2008年全國大專運動會主題曲
2 2009年5月17號 華誼兄弟 《我的太陽》 詞:姚若龍
曲:韓生光
同叢浩楠合唱
收錄喺《青出於楠》專輯
3 2013年1月23號 海蝶音樂 《為了遇見你》 詞:廖瑩如
曲:陳耀川
同戚薇合唱
電視劇《愛情自有天意》片頭曲
4 2013年6月27號 趣游時代 《橫掃天下之笑天下》 詞:楊宗緯
曲:方翰笛
網路遊戲《橫掃天下》主題曲
5 2013年8月20號 天浩盛世 《歌未央》 詞:楊宗緯
曲:陳建騏
《最台灣》旅遊微電影主題曲
6 2013年9月22號 天浩盛世 《閃耀》 詞:戴鍾偉
曲:齒輪橡皮
《CLEAR清揚》主題曲
7 2013年10月29號 《我們好像在哪見過》 詞:小柯
曲:小柯
葉蓓同楊宗緯 合唱
電視劇《咱們結­婚吧》片尾曲
8 2014年2月7號 《蓮花落》 詞:林夕
曲:陳小霞
舞台劇《孽子》主題曲
9 2014年9月5號 《空白格》 詞:蔡健雅
曲:蔡健雅
電影《一生一世》片尾曲
10 2015年5月13號 樂之雲文化 我變了我沒變 詞:小柯
曲:小柯
微電影《京東12年》主題曲
11 2015年6月26號 天娛傳媒 《國王與乞丐》 詞:代岳東
曲:Mike Chan、Faizal Tahir
同華晨宇合唱
12 2015年9月21號 環球音樂 《天燈》 詞/曲:楊宗緯
13 2015年10月15號 《一次就好》 詞:陳曦
曲:董冬冬
電影《夏洛特煩惱》插曲
14 2015年11月20號 《真相禁區》 詞:鐘沐軒
曲:譚伊哲
電影《真相禁區》主題曲
15 2016年10月17號 《咱們相愛吧》 詞:陳曦
曲:董冬冬
電視劇《咱們相愛吧》主題曲
16 2017年1月9號 福茂音樂 《涼涼》 詞:劉暢
曲:譚旋
同張碧晨合唱
電視劇《三生三世十里桃花》片尾曲
17 201年5月16號 《天龍八部》 詞:陳曦
曲:周華健
線上遊戲《天龍八部手遊》主題曲
18 2017年5月19號 《天已黑》 詞:陳曦
曲:董冬冬
電視劇《歡樂頌2》插曲

合輯 編輯

依序 發行日期 發行公司 合輯名 曲目
1 2007年6月29號 華研唱片 《星光同學會》
超級星光大道10強紀念合輯
人質
詞:冷玩妹
曲:黃韻仁
《背叛》
詞:阿丹、鄔裕康
曲:曹格
《因為我相信》合唱曲
詞:陳信延
作曲:Sean Hosein etc
2 2007年10月5號 華研唱片 《愛星光精選》
昨天今天明天
《多餘》 詞/曲:石裕博(《沉睡的青春》電影主題曲)
  • ezPeer+ 單曲排行榜連續22週冠軍
  • KKBox 人氣榜4週冠軍

演唱會 編輯

  • 個人大型售票世界巡迴演唱會

歌唱比賽 編輯

《校園時期》 編輯

《超級星光大道》 編輯

《我是歌手》第一季 編輯

2013年1月,加盟湖南衛視《我是歌手》第一季、為首位補位歌手,喺第二輪遭到淘汰,之後喺復活賽演唱《流浪記》同《饞》復活,喺4月12號總決賽未能晉級為「終極歌王候選人」。

我是歌手第一季 楊宗緯競演排名
期數 輪數 播出日期 演唱歌曲 原唱 歌曲介紹 排名 得票率 出場序 備註
全碟編曲:梁翹柏(下面註明例外曲目)
3 第二輪排位賽 2月1號 矜持 王 菲 詞:許常德
曲:郭 子
編曲:王文穎
7 7.34% 7 個人最低排名同得票率
4 第二輪淘汰賽 2月8號 征服 那 英 詞/曲:袁惟仁 5 10.15% 6 個人最高得票率
兩場總成績第7名
5 第三輪排位賽 2月15號 空白格 蔡健雅 詞/曲:蔡健雅 返場表演 8
11 復活賽第一輪 3月29號 流浪記 巴 奈 詞/曲:巴 奈 1 不詳 3 個人最高排名
復活賽第二輪 楊宗緯 詞:李宗盛
曲:李宗盛、周國儀
編曲:Pyo Keun Soo
1 不詳 3 復活
個人最高排名
專家顧問團投票第1名
10、20組第1名
12 半決賽 4月5號 最愛 潘越雲 詞:鍾曉陽鄭國江
曲:李宗盛
1 不詳 7 個人最高排名
13 總決賽第一輪 4月12號 我要我們在一起 范曉萱 詞/曲:李 泉 3 不詳 7 幫唱嘉賓:李泉
總決賽第二輪 我離開我自己 楊乃文 詞:Kwan
曲:陳曉娟
編曲:王文穎
前七強 4 專家顧問團投票第3名
雙年巔峰會 4月11號 底細 楊宗緯 詞:李宗盛
曲:李劍青
編曲:Mac Chew
6
2015巔峰會 4月3號 長鏡頭 那 英 詞:小 寒
曲:蔡健雅
3

電視節目 編輯

節目主持 編輯

年份 播出頻道 節目名 備註
2008年 中視 第三屆《超級星光大道》 第1集、第2集客座評審
2013年 金鷹卡通頻道 中國新聲代 (第一季) 評審
2016年 江蘇衛視 看見你的聲音 評審

公益活動 編輯

獲獎紀錄 編輯

參考 編輯

  1. 光大道宗緯 靠收音機療傷. 人間福報. 2009-02-14.
  2. 老師月刊366期-楊宗緯的老師夢. yam news. 2008-05-23. 原著喺2014-06-02歸檔. 喺2017-05-20搵到.
  3. . 搜狐視頻. 2013-03-29.
  4. 光現象/只花77天!媒體打造楊宗緯爆紅. TVBS. 2007-06-10. 原著喺2013-12-03歸檔. 喺2017-05-20搵到.
  5. 灣名人百科2007-2008. 風雲論壇出版社. 原著喺2008年12月28號歸檔. 喺2009年1月3號搵到.
  6. 2007年度十大新聞人物 第二名楊宗緯. Yahoo!奇摩. 2007-11-22.
  7. 2007 10大風雲人物 楊宗緯最夯. 蘋果日報. 2007-12-16.{{cite web}}: CS1 maint: url-status (link)
  8. 2007年終盤點之年度五大新人--楊宗緯. 新浪網. 2007-12-23.
  9. Google搜尋榜瞎 宗緯最紅. 聯合報. 2008-02-01.
  10. 宗緯跨年唱2場 蕭敬騰消音 TVBS-G斗中視 使計搶人. 蘋果日報. 2007-12-14.{{cite web}}: CS1 maint: url-status (link)
  11. 宗緯牽手預購 鴿迷祝早生貴子. 自由日報. 2008-01-02. 原著喺2009-10-09歸檔. 喺2017-05-20搵到.
  12. 鴿 . NOWnews. 2008-07-17. 原著喺2011-12-19歸檔. 喺2017-05-20搵到.
  13. 13.0 13.1 宗緯拼天王氣勢 密謀巨蛋加場. 蘋果日報. 2008-03-10.{{cite web}}: CS1 maint: url-status (link)
  14. 19屆金曲獎/林宥嘉楊宗緯組曲 追念已逝歌手. TVBS. 2008-07-06. 原著喺2008-10-06歸檔. 喺2009-01-04搵到.
  15. 曼玉想抱梁朝偉大腿 掀典禮最高潮. 蘋果日報. 2009-11-29. 原著喺2010-03-14歸檔. 喺2017-05-20搵到.
  16. 場音響差 楊宗緯勉強演唱. 蘋果日報. 2009-12-20.{{cite web}}: CS1 maint: url-status (link)
  17. 3金+亞太 楊宗緯大滿貫. 聯合報. 2009-12-11. {{cite web}}: Missing or empty |url= (help)
  18. 宗緯唱完三金 再獻聲亞太影展. 中國時報. 2009-12-08. 原著喺2012-01-19歸檔. 喺2017-05-20搵到.
  19. 宗緯考台體大 兩光考生漏帶文具 衝上研究所榜眼. 蘋果日報. 2009-04-03.{{cite web}}: CS1 maint: url-status (link)
  20. . TVBS. 2010-01-23. 原著喺2014-09-03歸檔. 喺2017-05-20搵到.
  21. 宗緯晾大半年終敲定東家 獲新加坡金援出輯. 蘋果日報. 2010-06-04. 原著喺2011-09-17歸檔. 喺2017-05-20搵到.
  22. . 環球唱片. 2011-07-16.
  23. 宗緯 美聲征服歌壇大哥大 出輯靠李宗盛翻身. 蘋果日報. 2010-08-27. 原著喺2011-09-19歸檔. 喺2017-05-20搵到.
  24. 宗緯蕭敬騰 同門破局. 自由時報. 2010-12-13. 原著喺2011-03-18歸檔. 喺2017-05-20搵到.
  25. 宗緯鴿王展翅 緊咬蕭敬騰. 自由時報. 2011-07-16. 原著喺2012-07-08歸檔. 喺2017-05-20搵到.
  26. 宗緯中斷研究所學業 當少爺簽3年賣聲契. 蘋果日報. 2011-07-16. 原著喺2011-09-16歸檔. 喺2017-05-20搵到.
  27. 三哥肯定唱功 李宗盛眼鏡下滑現威嚴. 中國時報. 2011-07-16.
  28. 宗緯:我想抱緊李宗盛說"我愛你". 中國網. 2011-10-20. 原著喺2015-06-20歸檔. 喺2017-05-20搵到.
  29. 是歌手收視再獲同時段冠軍 王菲贊楊宗緯. 新浪音樂. 2013-02-04.
  30. 歌自己創作 楊宗緯再找李宗盛. 聯合新聞網. 2013-03-13. 原著喺2014-09-03歸檔. 喺2019-12-28搵到.
  31. 寶旅行創台灣動 半年吸6萬陸客來台. ETtoday. 2013-09-13. 原著喺2015-09-24歸檔. 喺2017-05-20搵到.
  32. 國音超宗緯封王 赤足演繹真我色彩. 網易娛樂. 2014-03-03.
  33. 2014兩廳院年度製作. 國家兩廳院. 2014-02-07.
  34. . 香港蘋果日報. 2014-03-02. 原著喺2016-03-04歸檔. 喺2017-05-20搵到.
  35. . 香港新浪新聞. 2015-01-04. 原著喺2015-05-30歸檔. 喺2017-05-20搵到.
  36. 宗緯演繹鏡頭 再創唱奇蹟. 新華網新聞. 2015-04-07.
  37. 越極限的演唱會PK 粉絲比明星還帶勁. 上海青年報. 2010-10-29.
  38. 宗緯 改個草地名 照樣長噓短嘆. 蘋果日報. 2011-04-25. 原著喺2011-09-18歸檔. 喺2017-05-20搵到.
  39. 10大K歌榜 曹格背叛奪雙冠. 聯合日報. 2007-12-22.
  40. 宗緯義賣吸86人次競標 500元T恤飆升91倍. 蘋果日報. 2009-09-02. 原著喺2008-12-29歸檔. 喺2009-01-04搵到.
  41. 善首映楊宗緯魅力無法擋 首映票幾乎賣光. 台灣新浪網. 2009-09-23. 原著喺2009-09-27歸檔. 喺2017-05-20搵到.

出面網頁 編輯

官方網站
參考
上一任
頭位
超級星光大道第6位
2007年7月6號-2008年1月18號
下一任
曾沛慈