最小最大化（粵拼：zeoi3 siu2 zeoi3 daai6 faa3；英文：minimax / minmax）係一種博弈論上講到嘅策略，喺人工智能等嘅領域嗰度都成日提及。如果話一個個體採用最小最大化嘅方式嚟做決策，意思係話佢會盡力噉將自己嘅最小最大化，盡量令自己嘅最低報償值有咁大得咁大。用日常用語講，呢種決策方式係想時刻確保自己嘅最小得益有咁大得咁大，同時又時刻確保自己嘅最大損失有咁細得咁細。
