欖球

欖球係一種用形狀似粒欖嘅波嘅運動，可以再分聯合式欖球（Rugby Union，再細分為十五人欖球同七人欖球）同埋聯盟式欖球（Rugby League，即係十三人欖球）兩種。

欖球比賽

奧運會項目

1900年奧林匹克運動會，欖球頭一次出現喺奧運會項目，其後喺1908年奧林匹克運動會、1920年奧林匹克運動會、1924年夏季奧林匹克運動會亦有出現，當時嘅比賽形式係十五人欖球，兼且淨係得男子選手參加。

2016年夏季奧林匹克運動會，欖球重返奧運會項目大家庭，比賽形式由十五人欖球變做七人欖球，唔止男子選手參加，亦開放畀女子選手參加。