歐元區，又叫歐羅區，係由齋用歐元（又叫「歐羅」）做貨幣嘅歐盟國組成嘅經濟及貨幣聯盟，貨幣政策由歐洲中央銀行負責制定。家陣歐元區有20國，包括奧地利、比利時、克羅地亞、塞浦路斯、愛沙尼亞、芬蘭、法國、德國、希臘、愛爾蘭、意大利、拉脫維亞、立陶宛、盧森堡、馬耳他、荷蘭、葡萄牙、斯洛伐克、斯洛文尼亞同西班牙。
