歐豬五國英文PIIGS)又叫黑豬五國甘豬五國[1]笨豬五國五小豬國[2],係國際債券分析員、學者同埋國際財經界媒體對歐洲五個較弱嘅經濟體系嘅貶稱

PIIGS歐豬五國

歷史 編輯

呢個名最早由美國《新聞周刊》嘅專欄作家Juliane Von Reppert-Bismarck喺2008年7月7號發行嘅雜誌上刊登嘅文章《點解豬飛唔起》(Why Pigs Can't Fly)使用[3],本來淨係指南歐四國:葡萄牙Portugal)、意大利Italy)、希臘Greece)、西班牙Spain)呢四個國家組成嘅非正式經濟體。由於呢四個國家文化傳統、地理位置比較接近,而且最近幾年經濟增長停滯不前,失業率高,又有財赤,而四個國家嘅字頭又啱啱好可以砌成一個"PIGS"字,所以好多人將佢哋擺埋一齊講。後來連愛爾蘭Ireland)嘅經濟都開始出問題,同樣面對財政赤字,所以佢哋將愛爾蘭歸埋入去,令歐豬四國變成歐豬五國(PIIGS)

變種 編輯

 
PIIGGS歐豬六國

除咗黑豬五國之外,亦有人連英國(Great Britain)都擠埋入去,叫佢哋做歐豬六國(PIIGGS);但同其他幾個國家唔同嘅係,縱使英國同其他五國遭遇金融危機,但整體嚟講,英國嘅銀行體系都好過其餘五個國家。另外,英國雖然曾經係歐盟嘅一份子,但由於英國無取消英鎊加入歐元區,所以相比其他黑豬五國,英國嘅財政暫時重未發生咩嘢大麻煩。

另一方面,最近匈牙利政府亦都語出驚人咁話,自身財政同希臘一樣面臨重大危機,引發全球股市恐慌。但係財經專家話,將匈牙利講到好似希臘咁樣發生嚴重金融危機有尐過火,除咗係因為匈牙利重未加入歐元區之外,匈牙利本身嘅財政狀況其實係好過晒歐豬五國嘅。不過為咗避免危機發生,國際貨幣組織已經派人去匈牙利進行調查。

睇埋 編輯

參考 編輯

  1. 睇2010-1-28嘅Money Café
  2. MBAlib: 甚麼是PIGS?
  3. Von Reppert-Bismarck, Juliane (July 7–14, 2008). "Why Pigs Can't Fly". Newsweek.{{cite news}}: CS1 maint: date format (link)