歷劫花

《歷劫花》（粵拼：lik6 gip3 faa1）（英文：The Long-suffering Girl）係1963年嘅一齣黑白粵語時裝劇情片，由左几執導，謝賢、南紅領銜主演。片頭可以見到當年嘅中環商業區，同未拆嘅香港希爾頓酒店。

情節編輯

的士司機唐大鈞揾返失散多年嘅情人梅少萍，但係少萍已經做咗賊頭笑面虎二爺嘅契女，重被二爺操控佢幫自己走私謀利同應酬，誘惑富商謀財。冇錢嘅大鈞為咗贖返少萍，偷咗牛大哥嘅賊贓交易，然後走去二爺嘅派對想話帶走少萍；點知大鈞撞到牛大哥重被人認出，當場被二爺捉著。

二爺欣賞大鈞智勇雙全，同小萍來要脅佢共謀珠寶騙案；大鈞同少萍各自為咗求二爺放走對方就答應二爺嘅要求。但係二爺竟然暗中計劃用炸彈炸死出公海交易嘅大鈞，好彩少萍喺丫環幫忙之下知道個計劃，於是逃走趕去救大鈞；大鈞最終平安獲救，二爺同一班嘍囉一網打盡。