比利時國徽
比利時國徽有兩個版本，分別係較大版本同較細版本。
較大版本 編輯
較大版本嘅比利時國徽入面，有一對獅子嘅圖樣。呢對獅子被稱為「比利時獅」（拉丁文：Leo Belgicus），係比利時嘅國家象徵。喺國徽嘅中央係一面盾牌，上面畫咗傳統嘅獅子圖樣。另外，喺國徽中，有一件象徵君主國體嘅紅色上衣。而喺盾牌下面就寫住比利時嘅國家格言：「團結就係力量」（法文：L'union fait la force，荷蘭文：Eendracht maakt macht）。喺呢件紅色上衣嘅最頂，有一頂皇冠。而國徽中每一隻獅子都攞住一支比利時國旗。喺國徽嘅最頂就有比利時而家國土9個省嘅象徵旗幟（但其實有10個省）。
呢個版本嘅國徽係喺1837年5月17號開始用。
較細版本 編輯
呢個版本嘅國徽由比利時聯邦政府使用。其中包含一面黑色嘅盾牌，上面畫有一隻黃色嘅獅子，手攞住「布拉班特嘅武器」（the weapon of Brabant），戴住一頂皇冠。喺盾牌嘅下方係一面勳章，喺勳章嘅綴帶上寫住比利時嘅國家格言「團結就是力量」。而盾牌嘅後方就有兩支交叉嘅權杖，一支嘅頂係一隻手，另一支嘅頂就係一隻獅子。