氧化數

  提示：呢篇文講嘅唔係化合價。

氧化數（好多時候又混稱為化合價，初等化學就經常用呢種叫法，但實際上兩者概念唔同）係一個用來描述化合物入面原子嘅氧化程度嘅量。

按照初等化學嘅觀點，一個化合物入面一個原子嘅氧化數係正 $x$，表示佢喺構成嗰個化合物嘅時候失去咗 $x$ 個電子，或者喺佢形成嘅共價化學鍵入面有 $x$ 個電子偏離咗爾個原子。相反，如果一個化合物入面一個原子嘅氧化數係負 $x$ 嘅話，表示佢喺構成嗰個化合物嘅時候得到咗 $x$ 個電子，或者喺佢形成嘅共價化學鍵入面有 $x$ 個電子偏向爾個原子。根據規定，喺單質入面，原子嘅氧化數係 $\mathbf {0}$。

編/判斷氧化數嘅規矩

1. 元素嘅氧化數係 $\mathbf {0}$
2. 任何一個原子嘅氧化數唔可以超過佢嘅最外層電子嘅數目
3. 由剩係一個元素變成嘅簡單離子嘅氧化數係嗰個離子嘅電荷數
4. 所有鹼金屬喺佢哋嘅化合物裏面嘅氧化數都係 $\mathbf {+1}$
5. 所有鹼土金屬喺佢哋嘅化合物裏面嘅氧化數都係 $\mathbf {+2}$
6. 氫喺化合物裏面嘅氧化數通常都係 $\mathbf {+1}$
7. 氟喺所有化合物裏面嘅氧化數都係 $\mathbf {-1}$
8. 氯、溴同埋碘喺化合物裏面嘅氧化數通常都係 $\mathbf {-1}$
9. 氧喺化合物裏面嘅氧化數通常都係 $\mathbf {-2}$
10. 喺一個化合物裏面所有構成元素嘅氧化數加埋之後一定係 $\mathbf {0}$
11. 喺一個多原子離子裏面所有構成元素嘅氧化數加埋之後一定係嗰個離子嘅淨電荷數
12. 每一個元素組成唔同化合物嘅時候氧化數可以唔同