永漢電影院

 永漢電影院（粵拼：wing5 hon3 din6 jing2 jyun2） （英文：Wing Hon Theatre）係廣州市入面，比較早期嘅其中一間電影院。而呢間電影院喺北京路同文明路嘅交界東北邊冇幾遠嗰度。

永漢電影院

簡況

• 面積：1644平方米

  違章建築面積：208平方米

  1樓：臨街旺鋪

  2樓：電影院

• 影廳數：6間

  主影廳：380個座位

史

呢間電影院喺1927年起好，因為嗰時喺永漢路（而家係北京路）入面先至改咗噉嘅名。喺解放戰爭之後，呢間電影院經過咗好多個歷史時期，個名都變咗幾次。喺1960年，呢間電影院成日播新聞紀錄片先至出咗名，嗰時係嗌「新聞電影院」，佢重入咗中國十大專業電影院嘅清單入面。喺1978年嘅改革開放之後，呢間電影院就鹹魚翻生，就喺1986年嗰陣更新咗啲設備，喺嗰時就改返之前用過嘅名，啫係而家嗌「永漢電影院」。到咗20世紀纪90年代末，由於永漢電影院嘅消防設施唔過關，加上裝修嘅嘢已經好舊，所以喺1998年6月20號閂門嚟裝修，而裝修工程喺1998年11月13號搞掂兼重新開張。到咗2010年2月23號，由於廣州嘅舊城改造工程關係，間電影院正式停業嚟搞升級，而呢個升級就持續咗8個月，一直到廣州亞運會閉幕之前嘅倒數第三日（2010年11月10號）先至搞掂，而家呢間嘢已經重新開返。

附近嘅交通

巴士

• 北京路口站

電車

• 北京路口站

廣州地鐵

• 6號綫：北京路站