洛磯山脈

洛磯山脈係一條闊嘅山脈，喺北美洲西邊。洛磯山脈長超過4800公里，由加拿大嘅英屬哥倫比亞去到美國嘅新墨西哥。最高嗰座山係艾伯山，喺哥羅拉度州，海拔4401米。至於加拿大嗰邊，最高嗰座山係羅拔臣山，喺英屬哥倫比亞，海拔3954米。喺美國以內嘅洛磯山脈系統係一個美國地質地區。唔好將洛磯山脈同喺岸邊嘅太平洋海岸山脈溝亂。

洛磯山脈
班夫國家公園莫琳湖
座標	39°07′03.90″N 106°26′43.29″W
喺邊	加拿大 卑詩省 亞伯達 美國 愛達荷州 蒙大拿州 懷俄明州 猶他州 哥羅拉度州 新墨西哥州
最高峯	艾伯山 (4401m)
山脈專題

喺美國，喺大平原比較出名嘅山有由哥羅拉度州北部去到新墨西哥北部嘅前山脈，喺懷俄明係跟住大風嶺同埋大號角山，喺蒙大拿係跟住瘋山同埋入去亞伯達嘅洛磯山脈前鋒（喺加拿大叫做克拉克嶺）。喺鹽湖城附近嘅華薩治嶺將洛磯山脈同埋大盆地分開。