澶淵之盟

澶淵之盟係北宋同埋遼國（契丹），經過咗25年既戰爭之後，喺1005年（宋真宗景德二年、遼聖宗統和二十三年），雙方喺澶淵（依家既河南省濮陽市）簽既和平盟約。

經過

澶淵之盟示意圖

公元1003年（宋真宗咸平六年），遼蕭太后同埋遼聖宗耶律隆緒用收復瓦橋關（依家既河北雄縣舊南關）做借口，親率大軍南下打宋朝，宋朝大敗，遼軍深入宋境。四月既時候，遼朝既將領蕭撻凜攻破咗遂城（依家既河北徐水縣西遂城），生擒咗宋朝既將領王先知，攻陷咗定州（依家既河北定州市），俘虜咗宋朝雲州既觀察使王繼忠。由於遼軍已經去到黃河沿岸既澶州（依家既河南濮陽），威脅到首都汴京，所以宋朝可以話係朝野震動。宋真宗同埋好多大臣都想南逃避難，王欽若主張遷都去昇州（依家既江蘇省南京市），陳堯叟主張遷都去益州（今四川省成都市）。喺同平章事（宰相）寇準、畢士兩個人大力勸阻，同埋堅持之下，宋真宗去澶州（依家既河南濮陽）督戰，宋真宗無辦法之下同意咗。

遼軍到咗定州，兩軍相峙，蕭太后怕遼軍會腹背受敵，提出和解，初時宋真宗唔制。到咗十一月，遼軍喺朔州俾宋軍打敗，遼軍撤退。遼軍將主力集中喺瀛州（依家既河北省河間市）城下，日夜唔停咁攻城，宋軍守將李延渥死守城池，雙方激戰咗十幾日都維持係僵持狀態。遼軍攻打冀州（依家既河北省衡水市）、貝州（依家既河北省清河縣）同埋德清（依家既河南清奉），三面包圍澶州（依家既河南省濮陽市），宋將李繼隆死守澶州城門。

遼朝既南京統軍使蕭撻凜以為自己好勁，率領幾十個輕騎兵係澶州城下面巡視。宋軍既大將張瓌（有啲講法係周文質）用伏弩射死咗蕭撻凜，佢頭部中箭墜馬，遼軍士氣大挫，蕭太后知道蕭撻凜死咗之後好傷心，仲「輟朝五日」。《遼史》咁寫：

「將與宋戰，（蕭）撻凜中弩，我兵（遼兵）失倚，和議始定。或者天厭其亂，使南北之民休息者耶！」此時宋真宗一行抵澶州。寇準力促宋真宗登上澶州北城門樓以示督戰，「諸軍皆呼萬歲，聲聞數十里，氣勢百倍」。帝還行宮，得知寇準竟然與知制誥楊億在北城城樓上喝酒下棋，泰然自若，十分鎮定。帝喜曰：「準如是，吾復何憂！」

盟約內容

雙方係公元1005年1月（於十二月初）達成停戰協議，曹利用代表宋朝同蕭太后談判，達成協定：

1. 歲幣：宋朝每年送俾遼國十萬兩銀、絹二十萬匹。
2. 稱兄道弟：宋遼兩國結成兄弟之邦，遼聖宗叫宋真宗做大哥，宋真宗叫遼聖宗做細佬，遼聖宗叫李太后做伯母，宋真宗叫蕭太后做叔母。
3. 邊界：宋遼以白溝河做國界（即係話遼放棄咗瀛、莫兩個州），雙方撤兵，兩國沿河既城池，一切如常，邊境唔可以再起新既城同埋開挖河道。
4. 做生意：雙方喺邊境設置榷場，互相做貿易生意。