火影忍者
火影忍者（日文：ナルト，英文：NARUTO，香港正文社譯做狐忍）係日本漫畫家岸本齊史嘅少年漫畫作品，由1999年出到2014年，以主角渦卷鳴門同內輪佐助友情牽絆做主線，各個後生一脫忍者嘅歷練做支線，忍村內外明爭暗鬥兼反派內輪帶人嘅「無限月讀計劃」做背景，貫穿故事脈絡。續篇係《慕留人-火影新生代-》。
漫畫 編輯
漫畫第一部故事總共244話、27本，第二部故事總共456話、45本，仲有《鹿驚外傳》（6話）同《秘傳》系列嘅9本公式書（《臨之書》、《兵之書》、《鬪之書》、《者之書》、《皆之書》、《陣之書》、《列之書》、《在之書》、《前之書》）。
動畫 編輯
動畫總共有兩輯，都係由TXN（東京電視台網絡）首播。
第一輯由2002年10月3號播到2007年2月8號，總共220集，期間亦播咗三集劇場版（《大活劇！雪姬忍法帖！！》、《大激突！夢幻的地底遺跡》同埋《大興奮！三日月島上的動物騷亂》）。
第二輯跟住第一輯播出，叫《火影忍者疾風傳》，由2007年2月15號播到2017年3月23號，總共500集，期間亦播咗七集劇場版。
相關獎項 編輯
- 漫畫第7卷攞過美國文學獎Quill Award嘅視覺文學獎
- 岸本齊史憑藉《火影忍者》，攞到2014年度藝術選獎文部科學大臣新人賞—媒體藝術[1]
參考 編輯
- ↑ 平成２６年度（第６５回）芸術選奨文部科学大臣賞 及び同新人賞の決定について 互聯網檔案館嘅歸檔，歸檔日期2015年6月10號，.，文化廳，2015年3月12號（日文）